సాధారణంగా ఎక్కడైనా రోడ్డు ప్రమాదం జరిగిందంటేనే భయపడుతుంటాం మనం.యాక్సిడెంట్‌లో ఎవరికైనా ఏదైనా జరిగిందంటూ ఉక్కిరిబిక్కిరవుతాం.
ఇక కళ్ల ముందు జరిగే యాక్సిడెంట్లను చూసే ధైర్యం కూడా చాలా మందికి ఉండదు.కానీ ఓ యాక్సిడెంట్‌లో చావు అంచు నుండి తృటిలో తప్పించుకుంది ఓ జంట.
అమెరికాలోని ఫీనిక్స్‌లో జరిగిన ఓ ఘోర రోడ్డు ప్రమాదంలో ఓ జంట ప్రాణాలతో బయటపడింది.రోడ్డు దాటుతున్న ఓ జంటను ఓ కారు అతివేగంగా వచ్చి దాదాపు ఢీకొట్టబోయింది.
అయితే అదే సమయంలో మరోవైపు నుండి వస్తున్న కారు ఆ కారును ఢీకొట్టడంతో ఆ రెండూ రోడ్డు పక్కకు వెళ్లాయి.దీంతో ఆ జంట మరోపక్కకు పరుగులు తీసింది.
ఇందులో మరో విశేషం ఏమిటంటే.రెండు కార్లు నడుపుతన్న వ్యక్తులకు కూడా పెద్దగా గాయాలేమీ కాలేదు.
దీంతో అక్కడున్న వారందరూ ఊపిరి పీల్చుకున్నారు.దీనికి సంబంధించిన వీడియోను ఫీనిక్స్ పోలీసులు సోషల్ మీడియాలో పోస్ట్ చేశారు.
ప్రస్తుతం ఆ వీడియో వైరల్‌గా మారింది.
.
