ట్రక్కు‌లో 53 మంది అక్రమ వలసదారులు: షాకైన అధికారులు

  వివరాల్లోకి వెళితే.టెక్సాస్ రాష్ట్రం లారేడో నగరంలోని 35వ నెంబర్ అంతర్రాష్ట్ర సరిహద్దు గుండా ఒక ట్రక్కు వెళుతోంది.ఆ సమయంలో యూఎస్ కస్టమ్స్ అండ్ బోర్డర్ ప్రొటెక్షన్ చెక్‌పోస్ట్ వద్ద అధికారులు ఆ వాహనాన్ని తనిఖీ చేశారు.డ్రైవర్ తప్పించి అక్కడ ఏది వారికి అనుమానాస్పదంగా కనిపించలేదు.

అయితే డాగ్ స్వ్కాడ్‌కు లోపల మనుషులు, మాదక ద్రవ్యాల వాసన రావడంతో పదే పదే గర్జించడంతో పాటు ట్రక్కు చుట్టూ అదే పనిగా తిరిగాయి.

  దీంతో అధికారులకు అనుమానం కలిగి వాహనాన్ని క్షుణ్ణంగా పరిశీలించారు.ట్రక్కు లోపలి భాగాన్ని తీసి చూడగా ఇరుక్కుని కూర్చొన్న జనం కనిపించారు.వీరంతా కూడా మెక్సికో, ఈక్వేడార్, గ్వాటెమాలా, ఈఐ సాల్వాడర్‌, హోండూరాస్‌‌కు చెందిన అక్రమ వలసదారులుగా గుర్తించారు.

ట్రక్కు డ్రైవర్‌తో పాటు 53 మందిని అధికారులు అదుపులోకి తీసుకుని హోమ్ లాండ్ సెక్యూరిటీ విభాగానికి కేసును అప్పగించారు.