రష్యా లో ఘోర అగ్ని ప్రమాదం చోటుచేసుకుంది.అయితే ఈ ప్రమాదం జలాంతర్గామి లో చోటుచేసుకున్నట్లు తెలుస్తుంది.
సముద్రగర్భంలో ఉన్న జలాంతర్గామి లో ఈ ప్రమాద ఘటన సంభవించినట్లు అక్కడి అధికారులు తెలిపారు.ప్రాదేశిక జలాల్లోని సముద్ర గర్భంలోని జలాంతర్గామి లో పరిశోధన జరుగుతున్న సమయంలో ఈ అగ్ని ప్రమాదం జరిగింది అని, ఈ ఘటనలో 14 మంది నౌకాదళ సిబ్బంది మరణించినట్లు రక్షణ శాఖ అధికారులు తెలిపారు.
ఈ సందర్భంగా వారు మాట్లాడుతూ జలాంతర్గామి సముద్ర గర్భంలో పరిశోధనలు చేస్తున్న సమయంలో అగ్ని ప్రమాదం సంభవించింది అని, దీనితో విష వాయువులు వెలువడ్డాయని అధికారులు తెలిపారు.
అయితే ఈ విష వాయువులు పీల్చడం తో 14 మంది నౌకా దళ సిబ్బంది మృతి చెందినట్లు తెలిపారు.అయితే ప్రస్తుతం ఈ జలాంతర్గామి ని ఆర్కిటిక్ సముద్ర తీరంలోని తమ సైనిక స్థావరానికి తరలించామని అధికారులు తెలిపారు.అయితే ఈ ఘటన ఎలా చోటుచేసుకుంది అన్న వివరాలపై అధికారులు కేసు నమోదు చేసుకొని దర్యాప్తు చేస్తున్నట్లు తెలుస్తుంది.
ఈ ఘటనకు సంబంధించి పూర్తి వివరాలు వెల్లడికావాల్సి ఉంది.
తెలుగు వార్త విశేషాలు సులభముగా తెలుసుకోండి!!!!
