ఒకప్పటి హీరోయిన్ తనుశ్రీ దత్తా ఆ మధ్య కాలంలో బాలీవుడ్ లో మీటు క్యాంపైన్ ని తెర మీదకు తీసుకువచ్చి బాలీవుడ్ లో లైంగిక వేధింపుల గురించి మీడియా ముందు బహిర్గతం చేసింది.ఈ ఉదంతంలో తనుశ్రీ దత్త బాలీవుడ్ స్టార్ నటుడు నానాపటేకర్ మీద లైంగిక ఆరోపణలు చేసింది.
ఓ సినిమా షూటింగ్ సమయంలో అతను తనతో అసభ్యంగా ప్రవర్తించాడని సంచలన ఆరోపణలు చేసి ఒక్కసారిగా దేశవ్యాప్తంగా కాస్టింగ్ కౌచ్ ఉదంతానికి ఆజ్యం పోసింది.ఆమెను ఆదర్శంగా తీసుకుని చాలామంది కథానాయకులు నటీమణులు మీడియా ముందుకు వచ్చి తమకు జరిగిన లైంగిక వేధింపుల గురించి, తమను లైంగిక వేధింపులకు గురిచేసిన ప్రముఖుల గురించి బయట పెట్టారు.
దీంతో ఒక్కసారిగా కాస్టింగ్ కౌచ్ ఉదంతం బాలీవుడ్ సంచలనంగా మారింది.ఇదిలా ఉంటే తనుశ్రీ దత్త నానాపటేకర్ మీద చేసిన లైంగిక వేధింపులు ఆరోపణలకు సంబంధించి ఎలాంటి ప్రాథమిక ఆధారాలు లేకపోవడంతో కేసును కొట్టేసినట్లు సమాచారం.
అతనికి కోర్టు క్లీన్ చిట్ ఇచ్చిందని తాజాగా బాలీవుడ్ మీడియాలో వినిపిస్తుంది.అయితే ఈ వార్తల్లో ఎలాంటి నిజం లేదని నానా పటేకర్ పిఆర్ టీమ్ అలా పబ్లిసిటీ చేసుకుంటుందని తనుశ్రీ దత్త న్యాయవాది ఆరోపించారు.
అయితే నానాపటేకర్ కోర్టు క్లీన్ చీట్ ఇవ్వడం అనేది నిజమని తెలుస్తుంది.
