అమెరికాలోని అలబామా రాష్ట్ర ప్రతినిధులు అబార్షన్ పై నిషేధం విధించి బిల్లు ప్రవేశపెట్టిన విషయం విధితమే అయితే ఈ బిల్లు సుప్రీంకోర్టు లో నిలబడదని వాదిస్తున్నారు అబార్షన్ అనుకూల వర్గం.దాంతో ప్రతినిధులు ప్రవేశపెట్టిన ఈ బిల్లుపై సందిగ్ధత ఏర్పడింది.
మరి ఈ బిల్లుపై సుప్రీంకోర్టు లో ఎలా నిలువదు, అబార్షన్ మద్దతు దారులు ఎలాంటి నిర్ణయాలు తీసుకుంటున్నారు అనే వివరాలలోకి వెళ్తే.
అలబామా రాష్ట్ర ప్రతినిధులు అబార్షన్ ని వ్యతిరేకిస్తూ ఏర్పాటు చేసిన ఈ బిల్లుపై 25 మంది సెనెటర్లు సంతకం చేసి మద్దతు తెలిపారు.
ఇదే బిల్లుకి వ్యతిరేకంగా కేవలం ఆరుగురు మాత్రమే ఆమోదం తెలిపారు.కానీ ఈ బిల్లు సుప్రీంకోర్టు లో నిలబడదని.ఎదురుదెబ్బ తగిలే అవకాశం ఉందని అబార్షన్ మద్దతు దారులు అంటున్నారు.ఆ బిల్లుపై వేసిన అభ్యర్థనలు, సమస్యని సుప్రీంకోర్టు వరకూ తీసుకు వెళ్తాయని భావిస్తున్నారు.
1973లో ఏర్పాటు చేసిన ఈ అబార్షన్ చట్టానికి వ్యతిరేకంగా ప్రభుత్వం తీసుకున్న తాజా బిల్లుని ప్రవేశపెట్టింది.ఇదిలాఉంటే అమెరికాలోని మరికొన్ని రాష్ట్రాలు కూడా ఈ అబార్షన్ పై అదనంగా కొన్ని నిభందనలు విధించాయి తప్ప నిషేధం విధించలేదు.
అయితే సెనేట్ లోని కొందరు మహిళా సెనేట్లు కూడా బిల్లుపై సంతకం పెట్టక పోవడం గమనార్హం.ఈ బిల్లుపై గవర్నర్ కే ఐవీ కూడా పెట్టాల్సి ఉంది.
అబార్షన్ చట్టాన్ని ఎత్తివేస్తామని ఎన్నికల సమయంలో డోనాల్డ్ ట్రంప్ హామీ ఇచ్చారని స్థానిక నేతలు, అబార్షన్ మద్దతు దారులు, సంస్థలు గుర్తు చేస్తున్నారు.