సినీ కమెడియన్ ఆలీ రాజకీయ అడుగులు ఎటువైపు పడుతున్నాయో ఎవరికీ అర్ధం కావడం లేదు.జనసేన అధినేత పవన్ కళ్యాన్ కి అత్యంత అప్తుడిగా ముద్రపడ్డ ఆలీ జనసేన పార్టీలో చేరతారని అంతా అనుకున్నా… ఆయన మాత్రం ఆ పార్టీలో చేరలేదు.
అయితే ఎన్నికల సమయంలో చేరతారని ప్రచారం జరిగింది.అయితే అకస్మాత్తుగా ఆయన వైసీపీ అధినేత జగన్ ని కలవడంతో ఒక్కసారిగా కలకలం రేగింది.
ఆ తరువాత టీడీపీ అధినేత చంద్రబాబు ని అలీ కలిసి మరోసారి ఆశ్చర్యపరిచాడు.
ఇంతకీ ఆలీ ఏ పార్టీలో చేరాలి అనుకుంటున్నాడు అనే డౌట్ అందరిలోనూ వ్యక్తం అయ్యింది.ఆయన మాత్రం గుంటూరు వెస్ట్ టికెట్ పై గంపెడు ఆశలు పెట్టుకుని అందరి చుట్టూ తిరుగుతున్నాడు.తాజాగా మంత్రి గంటా శ్రీనివాసరావు తో భేటీ అవ్వడం రాజకీయ ప్రాధాన్యత సంతరించుకుంది.
ఇంతకీ ఆయన ఏ పార్టీలో చేరాలి అనుకుంటున్నాడో అన్న విషయం ఇప్పటికీ పెద్ద మిస్టరీగా మారింది.
.