స్మార్ట్ ఫోన్స్ వల్ల పిల్లలు,పెద్దలు తమ ఎదురుగా వచ్చే ప్రమాదాలను సైతం గమనించలేకపోతున్నారు.ఇలాంటి ఒక ఘటనే రష్యా లోని యెకాటెరిన్బర్గ్లోని చకాలోవ్ స్కాయా స్టేషన్ లో చోటుచేసుకుంది.
ఒక తొమ్మిదేళ్ల బాలుడు తన టాబ్లెట్(స్మార్ట్ ఫోన్)లో గేమ్ ఆడుకుంటూ ప్లాట్ ఫామ్ మీద నడుస్తున్నాడు.అయితే ఆటలో మునిగిపోయిన బాలుడు ఎటు వెళుతున్నాడు అన్న విషయం కూడా గమనించకుండా నేరుగా ట్రాక్ వైపుకు నడిచాడు.
దీనితో అతడు కింద కూడా చూసుకోకపోవడం తో అతడు ప్లాట్ ఫామ్ మీద నుంచి ఒక్కసారిగా ట్రాక్ పైకి పడిపోయాడు.దీనితో ఒక్కసారిగా జరిగిన ఈ ఘటనకు భయాందోళనకు గురైన ఆ బాలుడు ట్రాక్ పై పరుగులు తీసాడు.
అయితే అటుగా వెళుతున్న స్టేషన్ సిబ్బంది దీనిని గమనించి వెంటనే ఆ బాలుడిని ట్రాక్ పై నుంచి ప్లాట్ ఫామ్ మీదకు లాగేయడం తో పెను ప్రమాదం తప్పినట్లు అయ్యింది.అదృష్టం కొద్దీ ఆ బాలుడు ట్రాక్ పై పడిపోయిన సమయంలో ట్రాక్ పై ఎలాంటి ట్రైన్స్ రాకపోవడం తో అతడు ఎలాంటి ప్రమాదం లేకుండా తప్పించుకోగలిగాడు.
ఈ తతంగం అంతా కూడా అక్కడి సీసీ టీవీ లో రికార్డ్ అవ్వడం తో ప్రస్తుతం ఈ ఘటనకు సంబందించిన వీడియో సోషల్ మీడియా లో హల్ చల్ చేస్తుంది.