జైలు లో కరోనా కలకలం,ఏకంగా 60 మంది...

కరోనా మహమ్మారి రాజు,పేద అన్న ఏ తేడా లేకుండా ప్రతి ఒక్కరిని కూడా పలకరిస్తుంది.దేశవ్యాప్తంగా రోజు రోజుకు ఈ కేసులు పెరిగిపోతూనే ఉన్నాయి.

 60 Inmates Test Positive For Coronavirus In Vadodara Jail, Vadodara Jail, Coron-TeluguStop.com

తాజాగా గుజరాత్ లోని వడోదర జైలు లో కూడా ఈ కరోనా కలకలం సృష్టించింది.జైలు లో ఉన్న ఖైదీలలో దాదాపు 60 మంది ఈ వైరస్ బారిన పడినట్లు తెలుస్తుంది.

కనీసం 1000 మంది ఖైదీలు ఉండే ఈ జైలు లో 60 మందికి కరోనా పాజిటివ్ రావడం తో అధికారులు వెంటనే అప్రమత్తమై చర్యలు చేపట్టారు.ఇప్పటివరకు 150 మందికి కరోనా పరీక్షలు నిర్వహించగా వారిలో 17 మంది లక్షణాల తో కూడిన వైరస్ సోకగా, మరో 43 మందికి మాత్రం ఎలాంటి లక్షణాలు లేకుండా ఈ వైరస్ సోకినట్లు అధికారులు తెలిపారు.

ఈ క్రమంలో ప్రస్తుతం జైలు లోనే 80 పడకల తో కూడిన కోవిడ్-19 సెంటర్ ను ఏర్పాటు చేసి అక్కడే చికిత్స అందిస్తున్నట్లు అధికారులు తెలిపారు.ప్రస్తుతం జైలు లో ఆరుగురు వైద్యుల సమక్షంలో కరోనా రోగులకు వైద్యం అందిస్తున్నట్లు తెలుస్తుంది.

ఇప్పటివరకు రాష్ట్ర వ్యాప్తంగా 56,874 కరోనా కేసులు నమోదు కాగా,2,438 కోవిడ్-19 మరణాలు చోటుచేసుకున్నట్లు తెలుస్తుంది.సోమవారం వడోదర లో మొత్తం 80 కేసులు నమోదు కాగా, అందులో 43 కేసులు ఈ జైలు లోనే నమోదు అయినట్లు అధికారులు తెలిపారు.

అంతేకాకుండా సోమవారం ఒక్కరోజే వెయ్యికి పైగా కేసులు నమోదు అయినట్లు సమాచారం.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube