టాలీవుడ్ లో పండుగల సమయంలో వరుస సినిమాలను రిలీజ్ చేయడం ఆనవాయితీగా వస్తుంది.ఇక 2022 క్రిస్మస్ బరిలో కూడా చాలానే సినిమాలు రిలీజ్ అయ్యాయి.
మరి ఆ సినిమాల్లో ‘’18 పేజెస్” కూడా పాజిటివ్ టాక్ తెచ్చుకున్న సినిమాల్లో ఒకటి.ఈ సినిమా మౌత్ టాక్ బాగా వచ్చింది.
అలాగే రివ్యూలు కూడా పాజిటివ్ రావడంతో ఈ సినిమాను యూత్ బాగానే ఆదరిస్తున్నారు.
గత సినిమా కార్తికేయ 2 తోనే బ్లాక్ బస్టర్ హిట్ అందుకున్న నిఖిల్ ఇప్పుడు 18 పేజెస్ సినిమాతో మరో హిట్ ను తన ఖాతాలో వేసుకున్నాడు.
కుమారి 21F సినిమా ఫేమ్ డైరెక్టర్ సూర్య ప్రతాప్ పల్నాటి తెరకెక్కించిన ఈ సినిమాకు టాలెంటెడ్ డైరెక్టర్ సుకుమార్ కథ అందించాడు.ఇక ఈ సినిమాలో కూడా కార్తికేయ 2 జోడీనే కనిపించారు.
ఈ సినిమాను గీతా ఆర్ట్స్ 2 పై బన్నీ వాసు నిర్మించగా.మ్యూజిక్ డైరెక్టర్ గా గోపి సుందర్ సంగీతం అందించాడు.
ఈ సినిమాకు రిలీజ్ కు ముందే మంచి హైప్ ఉండడంతో థియేట్రికల్ రైట్స్, మిగతా రైట్స్ అన్ని కలుపుకుని అప్పుడే పెట్టిన బడ్జెట్ తిరిగి వచ్చినట్టు సమాచారం.ఇక ఈ సినిమా రిలీజ్ అయ్యి 10 రోజులు గడిచింది.
ఈ క్రమంలోనే ఈ సినిమా ఎన్ని కలెక్షన్స్ రాబట్టింది అనే విషయాన్నీ మేకర్స్ అఫిషియల్ పోస్టర్ తో అనౌన్స్ చేసారు.ఈ సినిమా 10 రోజుల్లో 25 కోట్లను క్రాస్ చేసింది.రిలీజ్ అయిన ఫస్ట్ డే కంటే ఈ సినిమా తర్వాతనే ప్రేక్షకుల నుండి మంచి ఆదరణ లభిస్తుంది.కమర్షియల్ సినిమా కాకపోయినా ఈ రేంజ్ లో ఆదరణ లభించడం గ్రేట్ అనే చెప్పాలి.