హైదరాబాద్ సెంట్రల్ యూనివర్సిటీలో థాయ్ విద్యార్థినిపై అత్యాచారయత్నానికి పాల్పడిన కీచక ప్రొఫెసర్ ను రిమాండ్ కు తరలించారు.బాధితురాలి ఫిర్యాదుతో నిందితుడిని అదుపులోకి తీసుకున్న పోలీసులు కోర్టులో హాజరుపరిచారు.
ఈ క్రమంలో కీచకుడిని న్యాయస్థానం 14 రోజులపాటు రిమాండ్ విధించింది.దీంతో ఆయనను పోలీసులు సంగారెడ్డి జైలుకి తరలించారు.
ప్రొఫెసర్ గతంలో కూడా కొంత మంది విద్యార్థినులపై అసభ్యంగా ప్రవర్తించినట్లు గుర్తించారు.కానీ బాధితులు ఎవరూ ఫిర్యాదు చేయకపోవడంతో కీచక ప్రొఫెసర్ లీలలు బయటకు రాలేదని తెలుస్తోంది.
ఇప్పటికే నిందితుడు రవి రంజన్ ను హెచ్ సీయూ సస్పెండ్ చేశారు.
