కళ్యాణ్ రామ్ హీరోగా గుహన్ దర్శకత్వంలో తెరకెక్కిన ‘118’ చిత్రంకు మొదట నెగటివ్ టాక్ వచ్చినా కలెక్షన్స్ మాత్రం ఒక మోస్తరుగానే రాబట్టింది.ముఖ్యంగా మొదటి నాలుగు రోజుల్లో ఈ చిత్రం మంచి వసూళ్లను రాబట్టింది.
శివరాత్రి సెలవులు అవ్వడంతో పాటు, ఇతర సినిమాలు పోటీ లేకపోవడంతో 118 చిత్రం నిర్మాతలకు లాభాలను తెచ్చి పెట్టింది.అన్ని ఏరియాల్లో కూడా డిస్ట్రిబ్యూటర్లు సేఫ్గా బయట పడిపోయారు.
భారీగా వసూళ్లు రాకపోయినా కూడా తక్కువ మొత్తానికే ఈ చిత్రాన్ని అమ్మిన కారణంగా బయ్యర్లు సేఫ్ అయ్యారు.
కళ్యాణ్ రామ్ జర్నలిస్ట్గా నటించిన ఈ చిత్రం హర్రర్, సస్పెన్స్ థ్రిల్లర్గా తెరకెక్కింది.
ఆకట్టుకునే కథాంశంతో పాటు ఆసక్తికరంగా స్క్రీన్ప్లే సాగిందని ప్రేక్షకులు అభిప్రాయం వ్యక్తం చేస్తున్నారు.అందుకే సినిమాకు అన్ని ఏరియాల్లో కలిపి 7.4 కోట్ల వసూళ్లు నమోదు అయ్యాయి.మొదటి రోజు రెస్పాన్స్ చూసి ఈ చిత్రం కనీసం అయిదు కోట్లు వసూళ్లు చేస్తే గొప్ప విషయంగా అంతా భావించారు.
అయితే 118 చిత్రం మాత్రం ఏకంగా 8 కోట్ల వరకు రాబట్టబోతున్న నేపథ్యంలో నిర్మాతలు కూడా అవాక్కవుతున్నారు.
ఏరియాల వారిగా ‘118’ చిత్రం మొదటి వారం షేర్ :
నైజామ్ : 2.83 కోట్లు సీడెడ్ : 1.01 కోట్లు ఉత్తరాంధ్ర : 74 లక్షలు కృష్ణ : 51 లక్షలు గుంటూరు : 50 లక్షలు ఈస్ట్ : 43 లక్షలు వెస్ట్ : 31 లక్షలు నెల్లూరు : 17 లక్షలు ఇతరం : 60 లక్షలు ఓవర్సీస్ : 30 లక్షలు మొత్తం : 7.40 కోట్లు.