ప్రస్తుత కాలంలో కొందరు కామంతో కొట్టుమిట్టాడుతూ విచక్షణ కోల్పోయి ఆడ, మగ అంటూ తేడా లేకుండా ప్రవర్తిస్తున్నారు.తాజాగా ఓ యువకుడు అభం శుభం తెలియని 10 సంవత్సరాలు కలిగినటువంటి ఓ బాలుడిపై విచక్షణ రహితంగా అత్యాచారానికి పాల్పడ్డ ఘటన ఉత్తర ప్రదేశ్ రాష్ట్రంలో చోటు చేసుకుంది.
వివరాల్లోకి వెళితే స్థానిక రాష్ట్రానికి చెందినటువంటి ప్రయాగారా అనే ప్రాంతంలో 10 సంవత్సరాల బాలుడు తన కుటుంబ సభ్యులతో నివాసముంటున్నాడు.అయితే ఇదే ప్రాంతంలో సల్మాన్ అనే ఓ యువకుడు నివాసం ఉంటున్నాడు.
అయితే ఇతడు ఎటువంటి పని చేయకుండా జులాయిగా తిరుగుతూ, ఎప్పుడూ చరవాణిలో శృంగార చిత్రాలను చూస్తూ కామ వాంఛలను పెంచుకున్నాడు.దీంతో ఈ మధ్యకాలంలో కామ వాంఛలను ఓ బాలుడి ద్వారా తీర్చుకోవాలనీ పన్నాగం పన్నాడు.
ఈ క్రమంలో బాలుడి తల్లిదండ్రులు పని నిమిత్తమై బయటకు వెళ్లడంతో బాలుడు ఒక్కడే ఇంటి వద్ద ఆడుకుంటున్నాడు.ఇది గమనించిన సల్మాన్ వెంటనే బాలుడిని ఆడుకుందాం రమ్మని పిలిచి నిర్మానుష్య ప్రాంతానికి తీసుకెళ్లి దారుణంగా అత్యాచారానికి ఒడిగట్టాడు.
అనంతరం గొంతు నులిమి చంపె ప్రయత్నం చేశాడు.ఇందులో భాగంగా బాలుడుపై పెట్రోల్ పోసి తగలబెట్టాలని యత్నించాడు.
అయితే మంటల వేడిమి బాధను భరించలేక బాలుడు కేకలు పెట్టాడు.బాలుడి కేకలు విన్నటువంటి చుట్టుపక్కల వ్యక్తులు వచ్చి వెంటనే మంటలను అదుపు చేసి చికిత్స నిమిత్తమై బాలుడిని దగ్గరలో ఉన్నటువంటి ఆస్పత్రికి తరలించారు.
చికిత్స అనంతరం కోలుకున్నటువంటి బాలుడు ఇచ్చినటువంటి ఇచ్చిన వాంగ్మూలం ఆధారంగా నిందితుడిని పోలీసులు అరెస్టు చేసి జైలుకు తరలించారు.