కోటి రూపాయలను తగలబెట్టిన కోతి.. కానీ?  

సాధారణంగా కోతులు చేసే అల్లరి పనులను గురించి ప్రత్యేకంగా చెప్పాల్సిన పనిలేదు.అవి చేసే అల్లరి చేష్టల ద్వారా కొన్నిసార్లు ఎంతో నష్టం వాటిల్లుతుంది.

TeluguStop.com - Monkey Crore Rupees Warangal

మరి కొన్ని సార్లు మన ప్రాణాలకే ప్రమాదంగా మారుతుంది.ఇలా కోతులు తమ చేష్టల ద్వారా అందరిని విసిగిస్తూ ఉండడం సహజమే.

ఒక కోతి ఇలాంటి అల్లరి చేష్టలు ద్వారా వరంగల్ జిల్లాలో దాదాపు కోటి రూపాయల ఆస్తి నష్టం వాటిల్లింది.పూర్తి వివరాల్లోకి వెళితే…

TeluguStop.com - కోటి రూపాయలను తగలబెట్టిన కోతి.. కానీ-General-Telugu-Telugu Tollywood Photo Image

వరంగల్ రూరల్ జిల్లా నెక్కొండ మండల కేంద్రంలోని దుర్గ పత్తి మిల్లులో అకస్మాత్తుగా సాయంత్రం ఒక అగ్ని ప్రమాదం చోటు చేసుకుంది.

ఈ అగ్ని ప్రమాదంలో మిల్లు వాతావరణంలో ఉన్న పత్తి మొత్తం మంటలలో కాలిపోయింది.అయితే ఈ ప్రమాదాన్ని వెంటనే గుర్తించిన మిల్లు యాజమాన్యం అగ్నిమాపక సిబ్బందికి, పోలీసులకు సమాచారాన్ని అందజేశారు.

ఈ సమాచారాన్ని అందుకున్న పోలీసులు, అగ్నిమాపక సిబ్బంది ఘటనా స్థలానికి చేరుకొని మంటలను ఆర్పే ప్రయత్నం చేశారు.అయితే ఈ అగ్ని ప్రమాదం జరగడానికి కారణం ఏమిటని ఆరా తీయగా… కేవలం ఒక కోతి వల్ల ఇంతటి ప్రమాదం సంభవించిందని వారు తెలియజేశారు.

మిల్లులోని ట్రాన్స్ఫార్మర్ వద్ద హై టెన్షన్ వైరు పైకి ఒక కోతి ఎగరడంతో నిప్పురవ్వలు బయటకు వచ్చి పక్కన ఉన్న పత్తి పై పడ్డాయి.దీంతో ఒక్కసారిగా మంటలు చెలరేగి దాదాపు 2000 క్వింటాళ్ల మేర పత్తి దగ్ధమైంది.

ఇంత పత్తి మంటలలో కాలిపోవడంతో దాదాపు కోటి రూపాయల ఆస్తి నష్టం వాటిల్లింది.అయితే ఆ పత్తి పై ఇన్సూరెన్స్ ఉన్నట్లు మిల్లు యాజమాన్యం తెలిపింది.

పోలీసులు కేసును నమోదు చేసుకొని ఈ ప్రమాదం కోతుల వల్ల సంభవించినదా? లేదా మరొక కారణం ఉందా? అన్న కోణంలో పోలీసులు విచారణ చేపట్టారు.

#Monkey #Cotton Factory #Fired #Warangal #Crore Rupees

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube

తాజా వార్తలు