నందమూరి ఎన్టీఆర్ అంటేనే భారతీయత ఉట్టిపడేలా ఉంటుంది.తెలుగుదనం ప్రత్యక్షంగా కనిపిస్తుంది.
తెలుగు జాతి ఉన్నంత వరకూ ఆయన ఖ్యాతి ఉంటూనే ఉంటుంది.తెలుగు చిత్ర సినిమాకి ఎంతో గుర్తింపు తెచ్చిన ఎన్టీఆర్ జీవిత చరిత్రని ఆయన తనయుడు హీరో ,ఎమ్మెల్యే అయిన నందమూరి బాలకృష్ణ బయోపిక్ రూపంలో తెలుగు ప్రేక్షకుల ముందుకు వచ్చి అలరించారు.
అన్న గారి పాత్రలో బాలయ్య బాబు గారు ఒదిగిపోయారు అంటున్నారు సినిమా చూసిన వారంతా.
ఇది ఇలా ఉండగా.
అన్న గారికి సంబందించిన ఓ ఆసక్తికర విషయం ఇప్పుడు సోషల్ మీడియాలో చర్చనీయాంశం అయ్యింది.అదేంటి అంటే.
ఎన్టీఆర్ నిక్ నేమ్ ” మీసాల నాగమ్మ “ అంట.అసలు ఆయనకు ఆ పేరు ఎందుకు వచ్చింది అంటే.
చదువుకునే రోజుల్లోనే ఎన్టీఆర్కు కళలపట్ల మక్కువ ఎక్కువ.బెజవాడ గవర్నమెంటు కాలేజీలో ఆయన ఓసారి కళాశాల ఉత్సవాల్లో ఓ నాటకంలో నటించారట.అయితే అది మహిళ పాత్ర కావడం విశేషం.మహిళ పాత్ర పోషించడానికి ఒప్పుకున్నా… మీసాలు తీసేందుకు మాత్రం ఎన్టీఆర్ అస్సలు ఒప్పుకోలేదట.దీంతో ఆ నాటకంలో మీసాలతోనే ఎన్టీఆర్ నటించాడట.అప్పటి నుంచి అందరూ కాలేజీలో ఆయన్ను మీసాల నాగమ్మ అంటూ ఆటపట్టించేవారట.