మన స్టార్ హీరోలు భారి బ్లాక్ బస్టర్స్ కొట్టి ఈ స్టార్ స్టేటస్ ని, అభిమాన గణాన్ని పొందారు.కాని ఎవరి కెరీర్లోనూ అన్ని మంచి సినిమాలే ఉండవు కదా.
కొన్ని చెత్త సినిమాలు ఉంటాయి.ఎంత పెద్ద అభిమాని అయినా సరే, కూర్చొని ఓ అరగంట చూడ్డానికి కూడా ఇబ్బందిపడే సినిమాలు ఉంటాయి.
మన టాప్ 10 హీరోల కెరీర్లో అత్యంత చెత్త సినిమా సెలెక్ట్ చేసాం.ఈ లిస్టుతో మీరు అంగీకరిస్తే ఒకే, లేదంటే మీ అభిప్రాయం ప్రకారం వేరే సినిమా పేరు చెప్పండి.
1) చిరంజీవి :
చాలామంది చిరంజీవి విరాభిమానుల అభిప్రాయాలని బట్టి చూస్తే, 1995 లో వచ్చిన బిగ్ బాస్ మన మెగాస్టార్ కెరీర్ లో అత్యంత చెత్త సినిమా.ఈ సినిమాకి దర్శకుడు విజయ్ బాపినీడు.ఓపెనింగ్స్ వచ్చినా, సినిమా పోయింది.
2) బాలకృష్ణ :
బాలయ్య బాబు వరస్ట్ సినిమాల లిస్టు చాలా పెద్దది.అభిమానులకి నచ్చని సినిమాలు చాలానే చేసారు.విజయేంద్రవర్మ, ఒక్క మగాడు మరియు పరమవీరచక్ర.ఈ మూడింటికి కలిపి ప్రథమ స్థానం కట్టబెడుతున్నాం.
3) నాగార్జున :
పెద్దగా ఆలోచించాల్సిన అవసరం లేదు.వీరభద్రం చౌదరి దర్శకత్వంలో 2013వ సంవత్సరంలో వచ్చిన భాయ్ నాగార్జున కెరీర్ లో అతిభయంకరమైన చిత్రం.ఈ సినిమా వల్లే నాగార్జున పూర్తిగా మారిపోయారు.
4) వెంకటేష్ :
మళ్ళి ఆలోచించాల్సిన అవసరం లేదు.అదే 2013లో మెహర్ రమేష్ దర్శకత్వంలో వచ్చిన షాడో అతిచెత్త సినిమా.
5) పవన్ కళ్యాణ్ :
పులి, సర్దార్ గబ్బర్ సింగ్ .ఈ రెండిట్లో విజేత ఈ సినిమానో తేల్చడం కొంచెం కష్టమే.కాని పులికి ఈ అవార్డు దక్కాల్సిందే.
6) మహేష్ బాబు :
అయితే క్లాసిక్ ఇస్తాడు లేదంటే డిజాస్టర్.మహేష్ బాబు రూటే వేరు.ఇక అత్యంత చెత్త చిత్రం ఏది అంటే ఎలాంటి అనుమానం లేకుండా బ్రహ్మోత్సవం అని చెప్పాలి.ఈ సినిమా అభిమానులకి కూడా ఓ పీడకల.
7) ఎన్టీఆర్ :
ఒకప్పుడు ఒకే మూసలో కొట్టుకుపోయి కళాఖండాలు తీసాడు తారక్.ఆ నాలుగైదు కళాఖండాలలో టాప్ పొజిషన్ నరసింహుడుకి ఇస్తున్నాం.
8) ప్రభాస్ :
బాహుబలి ప్రభాస్ ఒకప్పుడు స్క్రిప్ట్ సెలెక్షన్ లో చాలా వీక్.బి గోపాల్ లాంటి టాప్ డైరెక్టర్ తో అడవి రాముడు అనే డిజాస్టర్ తీసాడు.ప్రభాస్ కెరీర్ లో అతిబలహీనమైన సినిమా ఇది.
9) అల్లు అర్జున్ :
నిజానికి అల్లు అర్జున్ స్క్రిప్టు సెలెక్షన్ అదిరిపోయేలా ఉన్నా, వరుడు అతని కెరీర్ లో ఓ మాయని మచ్చ.ఒక్కడు లాంటి క్లాసిక్ ఇచ్చిన గుణశేఖర్ ఈ సినిమాని చాలా దారుణంగా తీసారు.
10) రామ్ చరణ్ :
చరణ్ కెరీర్ లో సక్సెస్ రేటు ఎక్కువ.ఫామ్ లో ఉన్న టైంలో బాలివుడ్ ఉచ్చులో పడిన తుఫాన్ లాంటి చెత్త సినిమా తీసాడు.
ఈ జనరేషన్ నటుల్లో, ఇంత పెద్ద డిజాస్టర్ ఎవరికీ లేదు.