యంగ్ టైగర్ ఎన్టీఆర్ ‘టెంపర్’ మూవీ వచ్చి రెండు వారాలు అవుతున్నా కూడా ఏమాత్రం తగ్గకుండా కలెక్షన్స్ వస్తున్నాయి.ఎన్టీఆర్ నట విశ్వరూపం చూపిన ఈ సినిమాను డాషింగ్ డైరెక్టర్ పూరి జగన్నాధ్ తెరకెక్కించిన విషయం తెల్సిందే.
విడుదలైన మొదటి రోజు నుండే మంచి టాక్ రావడంతో భారీ కలెక్షన్స్ను రాబడుతోంది.ఇక ఓపెనింగ్స్లో టాప్ 5 స్థానంలో నిలిచిన ఈ సినిమా లాంగ్ రన్లో కూడా ఇతర సినిమాల పోటీ లేకపోవడంతో భారీ కలెక్షన్స్ దిశగా దూసుకు పోతుంది.
క్రికెట్ ప్రపంచ కప్ ఉన్నప్పటికి ఈ సినిమాకు మంచి వసూళ్లే వస్తున్నాయి.విడుదలైన పది రోజుల్లో ఈ సినిమా 40 కోట్ల మార్క్ను దాటింది.
ఇక ఈ సినిమా ఎన్టీఆర్ ఫ్యాన్స్ ఎంతో కాలంగా ఆసక్తిగా ఎదురు చూస్తున్న 50 కోట్ల క్లబ్లో చేరేందుకు సిద్దంగా ఉంది.రెండవ వారం కూడా మంచి వసూళ్లు రాబడుతున్న ఈ సినిమాకు మూడవ వారం కూడా పెద్ద సినిమాల పోటీ లేదు.
దాంతో ఈ సినిమా మూడవ వారంలో కూడా మంచి వసూళ్లు రాబట్టే అవకాశాలున్నాయని చిత్ర యూనిట్ సభ్యులు అంటున్నారు.మొత్తంగా ఈ సినిమా 60 కోట్ల మార్క్ను చేరినా ఆశ్చర్యపోనవసరం లేదని ట్రేడ్ పండితులు అంటున్నారు.