‘బెంగళూరు డేస్‌’ సినిమాను దిల్‌ రాజు మరియు ప్రసాద్‌ వి పొట్లూరిలు తెలుగు మరియు తమిళంలో రీమేక్‌ చేస్తున్న విషయం తెల్సిందే.ఈ రీమేక్‌కు మొదట బొమ్మరిల్లు భాస్కర్‌ దర్శకత్వం వహిస్తాడు అనే ప్రచారం జరిగింది.
అయితే తాజాగా అందుతున్న సమాచారం ప్రకారం ఈ రీమేక్‌కు దర్శకుడు మారి పోయినట్లుగా తెలుస్తోంది.‘ఓ మై ఫ్రెండ్‌’ సినిమాకు దర్శకత్వం వహించిన వేణు శ్రీరాం ఈ సినిమాకు దర్శకత్వం వహించే అవకాశాలు ఎక్కువగా ఉన్నాయని అంటున్నారు.
‘ఓ మై ఫ్రెండ్‌’ తర్వాత వేణు శ్రీరాం మరే సినిమా చేసింది లేదు.దిల్‌రాజు ప్రొడక్షన్‌ టీంలో చాలా కాలంగా ఉంటూ వస్తున్న వేణు శ్రీరామ్‌పై ఉన్న నమ్మకంతోనే దిల్‌రాజు ఈ బాధ్యతను అప్పగించినట్లుగా తెలుస్తోంది.
బొమ్మరిల్లు భాస్కర్‌ ఈ రీమేక్‌కు దర్శకత్వం వహిస్తాడు అని మొదట అన్నా కూడా ఆయనపై నమ్మకాన్ని నిర్మాతలు ఉంచలేదు.అందుకే చివరి నిమిషంలో దర్శకుడు మారాడు.
ఇక ఈ రీమేక్‌లో మెగా హీరో వరుణ్‌ తేజ్‌ మరియు శర్వానంద్‌లు హీరోలుగా నటించనున్నారు.అలాగే ఈ సినిమాకు హీరోయిన్‌గా శ్రీదివ్యను ఎంపిక చేయడం జరిగింది.
