స్వీట్ కార్న్ ని ఉడికించి ఉప్పు,కారం, మసాలా జల్లితే ఎవరికీ మాత్రం నోరు ఉరదు.ఇప్పుడు వానాకాలం వచ్చేసింది.
ఈ వానాకాలంలో స్వీట్ కార్న్ తీసుకుంటే కలిగే ప్రయోజనాలు అన్ని ఇన్ని కాదు.ఇప్పుడు వాటి గురించి తెలుసుకుందాం.
ఈ గింజలలో పీచు,విటమిన్స్,యాంటీ ఆక్సిడెంట్స్ సమృద్ధిగా మరియు కేలరీలు తక్కువగా ఉంటాయి.దీనిలో ఉండే ఫెరులిక్ ఆమ్లం వృద్ధాప్య ఛాయలు తొందరగా రాకుండా అడ్డుకుంటుంది.
స్వీట్ కార్న్ తీయగా ఉంటుంది కాబట్టి తీపి శాతం ఎక్కువగా ఉందని కంగారు పడవలసిన అవసరం లేదు.సరైన మోతాదులో ప్రతి రోజు తీసుకోవచ్చు.
దీనిలో ఉండే విటమిన్ B కంటి ఆరోగ్యాన్ని కాపాడుతుంది.
స్వీట్ కార్న్ లో పీచు పదార్ధం ఎక్కువగా ఉండుట వలన జీవక్రియను మెరుగుపరుస్తుంది.
దీనిలో ఉండే థయామిన్ మెదడు ఆరోగ్యానికి మరియు ఫోలేట్ గుండె ఆరోగ్యాన్ని కాపాడుతుంది.
స్వీట్ కార్న్ లో ఉండే ప్రత్యేకమైన యాంటీ ఆక్సిడెంట్ జియా గ్జాదిన్ వయసు పెరిగే కొద్దీ వచ్చే సమస్యలను సమర్ధవంతంగా ఎదుర్కొంటుంది.
ఇన్ని ప్రయోజనాలను కలిగి ఉన్న స్వీట్ కార్న్ ని ప్రతి రోజు ఆహారంలో భాగంగా చేసుకుంటారు కదా….