మెగా స్టార్ చిరంజీవి 150వ సినిమా ఆగస్టు 22న షూటింగ్ ప్రారంభం కాబోతున్న విషయం తెల్సిందే.ఇప్పటికే ఈ సినిమా అధికారిక ప్రకటన వచ్చింది.
రామ్ చరణ్ నిర్మిస్తున్న ఈ సినిమాకు పూరి జగన్నాధ్ దర్శకత్వం వహిస్తున్నాడు.ఈ సినిమాకు కథను బివిఎస్ రవి సిద్దం చేశాడు.
ఇక ఈ సినిమా గురించి పలువురు సినీ ప్రముఖులు తమ ఆనందాన్ని వ్యక్తం చేశారు.చిరు 150వ సినిమా ప్రకటన రాగానే టాలీవుడ్లో ఎంతో మంది హీరోలు తమ స్పందన తెలియజేశారు.
తాజాగా మెగా స్టైలిష్ స్టార్ అల్లు అర్జున్ ఈ సినిమాపై స్పందించాడు.
చిరంజీవి 150వ సినిమా గురించి ఎంతో ఆసక్తిగా ఎదురు చూస్తున్నారు.
ద కింగ్ ఈజ్ బ్యాక్.వ్యక్తిగతంగా చిరంజీవి గారి సినిమా కోసం ఎదురు చూస్తున్నారు.
మీలో ఎవరైనా ఈ సినిమాకు టైటిల్ను సజెస్ట్ చేయగలరా అంటూ ఫేస్బుక్లో పోస్ట్ చేశాడు.ఇప్పటి వరకు ప్రచారంలో ఉన్న ‘ఆటోజానీ’ టైటిల్ కేవలం పుకార్లు మాత్రమే అని, ఇంకా టైటిల్ ఖరారు కాలేదని, బన్నీ పోస్ట్ ద్వారా తెలుస్తోంది.
ఈ సినిమాకు పక్కా మాస్ టైటిల్ను పెట్టేందుకు పూరి జగన్నాధ్ ప్లాన్ చేస్తున్నాడు.ఈ సినిమాలో నయనతార హీరోయిన్గా నటించనున్నట్లుగా సినీ వర్గాల్లో ప్రచారం జరుగుతోంది.