మెగా స్టైలిష్‌స్టార్‌ అల్లు అర్జున్‌ తాజా చిత్రం ‘సన్నాఫ్‌ సత్యమూర్తి’.ఈసినిమా తాజాగా ప్రేక్షకుల ముందుకు వచ్చిన విషయం తెల్సిందే.
విడుదల రోజే ఈ సినిమాకు మిశ్రమ స్పందన వచ్చింది.అయినా కూడా మంచి కలెక్షన్స్‌ వస్తున్నాయి.
భారీ ఓపెనింగ్స్‌ రాబట్టిన ఈ సినిమా ఓవర్సీస్‌లో దూసుకు పోతుంది.కేవలం మూడు రోజుల్లోనే మిలియన్‌ డాలర్ల మార్క్‌ను క్రాస్‌ చేసిన సత్యమూర్తి అందరి దృష్టిని ఆకర్షిస్తున్నాడు.
మెగా ఫ్యాన్స్‌ను సైతం షాక్‌ అయ్యేలా ఈ సినిమా ఓవర్సీస్‌ కలెక్షన్స్‌ ఉన్నాయి.
ఇప్పటి వరకు మహేష్‌బాబుకు ఓవర్సీస్‌లో భారీ క్రేజ్‌ ఉంది.
ఆ తర్వాత స్థానంలో అల్లు అర్జున్‌ ‘సన్నాఫ్‌ సత్యమూర్తి’ సినిమాతో నిలిచాడు.మెగా హీరోల్లో ఏ హీరో కూడా సాధించని కలెక్షన్స్‌ను అల్లు అర్జున్‌ దక్కించుకుంటున్నాడు.
గత కొంత కాలంగా ఓవర్సీస్‌ మార్కెట్‌లో సత్తా చాటాలని తెగ ఆరాటపడుతున్న మెగా పవర్‌ స్టార్ రామ్‌చరణ్‌ కూడా అందుకోలేక పోయిన రికార్డును సొంతం చేసుకున్నాడు.సత్యమూర్తి సినిమా మూడు రోజుల్లో ఏకంగా మిలియన్‌ డాలర్లను సొంతం చేసుకున్నట్లుగా ట్రేడ్‌ విశ్లేషకులు అంటున్నారు.
లాంగ్‌ రన్‌లో ఈ సినిమా రెండు మిలియన్‌ డాలర్లను సొంతం చేసుకున్నా ఆశ్చర్యపోనక్కర్లేదు అంటూ ఓవర్సీస్‌లో డిస్ట్రిబ్యూషన్‌ రైట్స్‌ సొంతం చేసుకున్న నిర్మాతలు అంటున్నారు.దాంతో ఓవర్సీస్‌లో నెం.1 మెగా హీరోగా బన్నీ నిలవనున్నాడు.
