బర్నింగ్‌స్టార్‌ సంపూర్నేష్‌బాబు ‘హృదయ కాలేయం’ సినిమా తర్వాత నటిస్తున్న సినిమా ‘సింగం 123’.ఈ సినిమా షూటింగ్‌ ప్రస్తుతం చివరి దశలో ఉంది.
తాజాగా ఈ సినిమా ట్రైలర్‌ను విడుదల చేశారు.ఈ ట్రైలర్‌లో బర్నింగ్స్‌ స్టార్ తన స్టామినాను మరోసారి రుజువు చేసుకున్నాడు.
పోలీస్‌గా సంపూ పలికిన డైలాగ్స్‌ సూపర్బ్‌గా ఉన్నాయంటూ టాక్‌ వినిపిస్తోంది.భారీ డైలాగ్స్‌ను పవర్‌ ఫుల్‌ పోలీస్‌ ఆఫీసర్‌గా సంపూ చెప్పిన తీరుకు సినీ ప్రముఖులు సైతం ఆశ్చర్య పోతున్నారు.
‘నీకు బీపీ వస్తే నీ చెంచా గాళ్లు భయపడతారేమో.నాకు బీపీ వస్తే ఏపీ, తెలంగాణ, రాయలసీమ, కేరళ, బీహార్‌, కర్ణాటక దేశం మొత్తం వణుకుద్ది… రేసులో నన్ను అందుకోవడానికి నేను రేసుగుర్రంను కాదు.
రెడ్‌ బుల్‌ తాగిన సింహాన్నిరా.అంటూ సంపూ చెప్పిన డైలాగ్స్‌కు సినీ జనాల్లో సినిమాపై అంచనాలు భారీగా పెరిగి పోతున్నాయి.
మంచు విష్ణు నిర్మిస్తున్న ఈ సినిమాకు అజయ్‌ శర్మ దర్శకత్వం వహిస్తున్నాడు.పలు సినిమాల్లోని పోలీస్‌ సన్నివేశాలను ఈ సినిమాలో పేరడీ చేస్తున్నట్లుగా గతంలోనే మంచు విష్ణు ప్రకటించిన విషయం తెల్సిందే.
ఈ సినిమాను త్వరలోనే విడుదల చేసే అవకాశాలున్నాయి.
