జీనియస్ దర్శకుడు సుకుమార్ గత చిత్రాలు 1-నేనొక్కడినే, నాన్నకు ప్రేమతో రెండు కూడా లండన్ బేస్డ్ కథలు.1-నేనొక్కడినే అయినా ఫస్టాఫ్ ఇండియాలో ఉంటుంది కాని నాన్నకు ప్రేమతో అయితే కంప్లీట్ గా లండన్ లో చుట్టేసాడు సుకుమార్.సినిమా లావిష్ గా ఉండటం కోసమా లేక యాదృచ్ఛికంగానే అలా కథలు రాసుకుంటున్నాడా తెలియదు కాని సుకుమార్ కథల్లో ఇండియా కథావస్తువుగా ఉండట్లేదు.
మెగా పవర్ స్టార్ రామ్ చరణ్ తో సుకుమార్ ఒక సినిమా తీయబోతున్న విషయం తెలిసిందే.
ఇంకా నిర్మాతలు ఖరారు కాని ఈ సినిమా ఇదే ఏడాది అక్టోబరులో మొదలవుతుందని సమాచారం.
అయితే ఈ సినిమా కూడా ఇండియా బ్యాక్ డ్రాప్ లో ఉండదు.
ఈసారి కథ అమెరికాలో నడుస్తుంది.సినిమా అధికభాగం అమెరికాలోనే ఉంటుందని చెబుతున్నారు.
ఇందుకే బీ,సీ సెంటర్స్ లోని ప్రేక్షకులు సుకుమార్ కి దూరం అయిపోతున్నారు.మరి చరణ్ తన మాస్ ఫాలోయింగ్ పక్కనపెట్టి సినిమాను ఎంత లాగుతాడో చూడాలి.
