మెగాపవర్ స్టార్ రామ్ చరణ్ ప్రస్తుతం శ్రీనువైట్ల దర్శకత్వంలో ఒక సినిమాలో నటిస్తున్నాడు.ఇప్పటి వరకు ఆ సినిమాకు టైటిల్ను ఫిక్స్ చేసింది లేదు.
కాని ‘బ్రూస్లీ’, ‘నాపేరు రాజు’ అనే టైటిల్స్ ప్రచారంలో ఉన్నాయి.ఇక ఈ సినిమా ఫస్ట్ లుక్ రిలీజ్కు ముహూర్తం ఫిక్స్ చేసినట్లుగా చెబుతున్నారు.
ప్రస్తుతం శరవేగంగా చిత్రీకరణ జరుపుకుంటున్న ఈ సినిమా ఫస్ట్లుక్ను మెగాస్టార్ చిరంజీవి పుట్టిన రోజు సందర్బంగా విడుదల చేయబోతున్నట్లుగా తెలుస్తోంది.
ఆగస్టు 22న చిరంజీవి పుట్టిన రోజున చరణ్ మూవీ టైటిల్ను అధికారికంగా రివీల్ చేయడంతో పాటు, ట్రైలర్ను కూడా విడుదల చేయనున్నారు.
ఇప్పటి వరకు ఈ సినిమాకు సంబంధించిన లుక్ ఏది కూడా అధికారికంగా బయటకు వచ్చింది లేదు.ట్రైలర్ విడుదకు సరైన సమయంలో చిరు పుట్టిన రోజు అని నిర్ణయించుకుని చిత్ర యూనిట్ ఈ నిర్ణయం తీసుకున్నట్లుగా తెలుస్తోంది.
చిత్ర యూనిట్ సభ్యులు తీసుకున్న నిర్ణయంకు మెగా ఫ్యాన్స్ ఫుల్ ఖుషీ అవుతున్నారు.చిరు పుట్టిన రోజు పండుగకు ఫస్ట్లుక్ను విడుదల చేసి, దసరా పండుగకు సినిమాను విడుదల చేయనున్నారు.
ఈ సినిమాలో చరణ్కు జోడీగా రకుల్ ప్రీత్ సింగ్ హీరోయిన్గా నటిస్తుంది.కోన వెంకట్ మరియు గోపీ మోహన్లు ఈ సినిమాకు స్క్రిప్ట్ను అందించారు.