స్టార్ కథానాయిక ప్రియాంక చోప్రా కెరీర్ తొలినాళ్ళలో అవకాశాలు సరిగా లేక సూసైడ్ చేసుకోవడానికి మూడు సార్లు ప్రయత్నించిందని, ప్రతిసారి ఆమెని నేనే ఆపానని ప్రియాంక చోప్రా మాజీ మేనేజర్ ప్రకాష్ జాజు వాఖ్యానించిన సంగతి తెలిసిందే.అయితే ప్రకాష్ జాజు మాటలని మొదట ప్రియాంక తల్లి, ఇప్పుడు ప్రియాంక చోప్రా కొట్టిపడేశారు.తానెప్పుడు ఆత్మహత్య చేసుకోవడానికి ప్రయత్నించలేదని స్పష్టం చేసింది ప్రియాంక.
” చాలా మూర్ఖపు వాఖ్యలు అవి.నన్ను వేధించి జైలుకి వెళ్ళిన వ్యక్తి మాటలను పట్టించుకున్న భారతీయ మీడియాకి నా సానుభూతి.ఏమాత్రం బాగాలేని గతం తనది.
తన మాటలను నమ్మాలని అనిపించిందా జనాలకి ? నేనెప్పుడు సూసైడ్ చేసుకోవాలని అనుకోలేదు.నేను తనని జైలుకి పంపాను అన్న కసితోనే ఈ వాఖ్యలు చేసుంటాడు” అంటూ చెప్పుకొచ్చింది ప్రియాంక.
ఎవరు నిజం చెబుతున్నారో, ఎవరు అబద్ధం చెబుతున్నారో.కెరీర్ మొదట్లో తానూ ప్రియాంకకి చాలా సహాయపడ్డానని, తన వల్లే బాలివుడ్ లో నిలబడగలిగిందని , ప్రకాష్ జాజు అంటాడు.
మరి ప్రియాంక ఏమో తనని కూరలో కరివేపాకులా తీసిపడేస్తోంది.ఇద్దరి మధ్య గొడవేంటో, తన మేనేజర్ గా ఉన్నవాడ్ని ప్రియాంక జైలుకి ఎందుకు పంపించాల్సి వచ్చిందో ! రంగుల ప్రపంచంలో అంతా అయోమయం !
.