ఎప్పుడో ఏప్రిల్ లో ముహూర్తం జరిగింది.ఆ తరువాత ఎస్ జే సూర్య సినిమాలోంచి తప్పుకోవడంతో, పవన్ కళ్యాణ్ 22వ సినిమా కొంతకాలం వాయిదా పడింది.
పోని, దర్శకుడు డాలి ఈ ప్రాజెక్టులోకి వచ్చాక అయినా, సినిమా మొదలైందా అంటే అదీ లేదు.జనసేన కార్యకర్తలతో కొంతకాలం, బహింరంగ సభలతో కొంతకాలం బిజిబిజీగా గడిపిన పవన్, ఇన్నిరోజులు “కాటమరాయుడు” చిత్రాన్ని దాదాపుగా గాలికి వదిలేసినంత పనే చేసాడు.
దీనివల్ల నష్టపోయింది ఎవరో తెలుసా? శృతిహాసన్.అవును, జూన్ నుంచి డేట్స్ ఇచ్చేసింది అమ్మడు.
కాని సినిమా వాయిదాల మీద వాయిదాలు పడుతూపోయింది.ఈ గ్యాప్ లో మరో సినిమాకి ఆ డేట్స్ ఇచ్చుంటే, ఓ సినిమా పూర్తి చేసేదే శృతి.
ఏం చేస్తాం, పవన్ కళ్యాణ్ తో ఉన్న సత్సంబంధాల వలన ఏమి అనలేక అడ్జస్ట్ చేసుకుంటూ పోయింది.
ఆలస్యం జరిగితే జరిగింది కాని, మొత్తానికి ఈ సినిమా మొదలుకాబోతోంది.
ఈ నెల 20 నుంచి కాటమరాయుడు షెడ్యూలు హైదరాబాదులో మొదలుకాబోతోంది.పవన్ కళ్యాణ్ ఇదే నెల 24వ తేది నుంచి షూటింగ్ లో పాల్గొననున్నట్లు సమాచారం.
ఇకనుంచైనా షూటింగ్ ప్లాన్ ప్రకారం అనుకున్న సమయంలో పూర్తి చేస్తే బెటర్.లేదంటే పాపం శృతి మరింతగా నష్టపోవాల్సిందే.
