ఎన్టీఆర్, సుకుమార్ల కాంబినేషన్లో తెరకెక్కబోతున్న సినిమా అతి త్వరలో సెట్స్ పైకి వెళ్లబోతుంది.స్పెయిన్లో ఈ సినిమా షూటింగ్ కార్యక్రమాలను ప్రారంభించబోతున్నట్లుగా ఇటీవలే దర్శకుడు సుకుమార్ ప్రకటించాడు.
ఇక ఈ సినిమాకు ‘దండయాత్ర’ అనే టైటిల్ను పరిశీలిస్తున్నట్లుగా వార్తలు వచ్చాయి.‘టెంపర్’ సినిమాలో ఎన్టీఆర్ చెప్పిన డైలాగ్.
ఇది దయాగాడి దండయాత్ర బాగా ఫేమస్ అవ్వడంతో ఈ టైటిల్ను ఫిక్స్ చేయాలని నిర్ణయించినట్లుగా సినీ వర్గాల ద్వారా సమాచారం వచ్చింది.కాని తాజాగా ఈ సినిమా టైటిల్ అంటూ మరో కొత్త పేరు ప్రచారం అవుతోంది.
తండ్రి, కొడుకుల సెంటిమెంట్తో తెరకెక్కబోతున్న ఈ సినిమాకు ‘నాన్నకు ప్రేమతో’ అనే టైటిల్ను దర్శకుడు సుకుమార్ పరిశీలిస్తున్నట్లుగా తెలుస్తోంది.అయితే ఈ టైటిల్కు ఎన్టీఆర్ ఓకే చెప్పడం అనుమానమే అంటున్నారు ఆయన సన్నిహితులు.
సినిమా టైటిల్ అంత క్లాస్గా ఉంటే నెగటివ్ టాక్ వస్తుందని ఎన్టీఆర్ భావిస్తున్నట్లుగా తెలుస్తోంది.నందమూరి ఫ్యాన్స్కు కూడా ఈ టైటిల్ పెద్దగా నచ్చడం లేదు.
ఫ్యాన్స్ ఎక్కువగా ‘దండయాత్ర’ టైటిల్ను కోరుకుంటున్నారు.లేదా మరేదైనా మాస్ టైటిల్ను పెట్టాలని సుకుమార్ను డిమాండ్ చేస్తున్నారు.