చైతూను కూడా వాడేస్తున్నాడు

ప్రముఖ రచయిత కోన వెంకట్‌ నిర్మాణంలో తెరకెక్కిన చిత్రం ‘శంకరాభరణం’.నిఖిల్‌, నందిత జంటగా తెరకెక్కిన ఈ క్రైమ్‌ కామెడీ చిత్రం విడుదలకు సిద్దం అవుతోంది.

 Naga Chaitanya To Launch Sankarabharanam Theme Song-TeluguStop.com

ఈ సినిమా ప్రమోషన్‌ కోసం కోన వెంకట్‌ తన ముందు ఉన్న వనరులు అన్ని కూడా వాడేసుకుంటున్నాడు.మొదట ఈ చిత్రం ట్రైలర్‌ను పవర్‌ స్టార్‌ పవన్‌ కళ్యాణ్‌తో విడుదల చేయించిన విషయం తెల్సిందే.

ఆ తర్వాత ఆడియోను పొడుగు స్టార్‌ రానాతో విడుదల చేయించాడు.తాజాగా చైతూ కూడా కోన కోసం ముందుకు రావడంతో ఈయన్ను కూడా వాడేసుకోవాలని నిర్ణయించుకున్నాడు.

‘శంకరాభరణం’ థీమ్‌ సాంగ్‌ను నాగచైతన్యతో విడుదల చేయించేందుకు కోన వెంకట్‌ ఏర్పాట్లు చేశాడు.ఇండస్ట్రీలో తనకు ఉన్న పరిచయాలతో ఈ సినిమాను ఇప్పటికే ప్రేక్షకు మనస్సుల్లోకి తీసుకు వెళ్లాడు.

చిన్న చిత్రంగా తెరకెక్కిన ఈ సినిమాకు మంచి పబ్లిసిటీ రావడంతో విడుదలకు ముందే నిర్మాతకు లాభాలు తెచ్చి పెట్టింది.నాగచైతన్య కూడా ఈ సినిమా ప్రమోషన్‌లో పార్ట్‌ అవ్వడంతో సినిమాకు క్రేజ్‌ మరింతగా పెరిగే అవకాశాలున్నాయి.

వచ్చే నెల మొదటి వారంలో సినిమాను విడుదల చేసేందుకు ఏర్పాట్లు చేస్తున్నారు.అన్ని వర్గాల ప్రేక్షకులను ఆకట్టుకునేలా ఈ సినిమా ఉంటుందని నిర్మాత కోన వెంకట్‌ అంటున్నాడు.

‘స్వామిరారా’, ‘కార్తికేయ’, ‘సూర్య వర్సెస్‌ సూర్య’ చిత్రాలతో బాక్సాఫీస్‌ వద్ద సందడి చేసిన నిఖిల్‌ ఈ చిత్రంతో కూడా సక్సెస్‌ కొట్టడం గ్యారెంటీ అని సినీ విశ్లేషకులు అంటున్నారు.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube