మెగా పవర్స్టార్ రామ్ చరణ్ ప్రస్తుతం శ్రీనువైట్ల దర్శకత్వంలో నటిస్తున్న విషయం తెల్సిందే.‘గోవిందుడు అందరి వాడేలే’ సినిమా తర్వాత చరణ్ నటిస్తున్న ఈ సినిమపై ఇప్పటికే అంచనాలు తారా స్థాయిలో ఉన్నాయి.
ఆ అంచనాలను అందుకునేందుకు దర్శకుడు శ్రీనువైట్ల ఎంతో కష్టపడుతున్నాడు.పక్కా స్క్రిప్ట్ను రెడీ చేసి పక్కా షెడ్యూల్స్తో షూటింగ్ను జరుపుతున్న శ్రీనువైట్ల ఈ సినిమాకు టైటిల్గా ‘బ్రూస్ లీ’ని పరిశీలిస్తున్నట్లుగా తెలుస్తోంది.
నిన్న మొన్నటి వరకు ఈ సినిమాకు ‘నా పేరు రాజు’ను పరిశీలించినట్లుగా వార్తలు వచ్చాయి.అయితే కథానుసారం ‘బ్రూస్ లీ’ అనే టైటిల్ సరిగ్గా సూట్ అవుతుందనే ఉద్దేశ్యంతో చిత్ర యూనిట్ ఉన్నట్లుగా తెలుస్తోంది.
ఈ సినిమాలో రామ్చరణ్ ఫైట్ మాస్టర్గా కనిపించనున్నాడు.చిన్నప్పటి నుండి కూడా బ్రూస్లీని ఆదర్శంగా తీసుకుని మరీ ఫైట్ మాస్టర్గా హీరో ఎదుగుతాడు.
చరణ్ ఈ సినిమాలో బ్రూస్ లీకి వీరాభిమానిగా కనిపిస్తాడు.అందుకే ఈ సినిమాకు కరెక్ట్ టైటిల్ ‘బ్రూస్ లీ’ అని నిర్ణయించుకున్నారు.
అతి త్వరలో ఈ సినిమా టైటిల్ను అధికారికంగా ప్రకటించే అవకాశాలున్నాయి.ఇక ఈ సినిమాలో హీరోయిన్గా లక్కీ గర్ల్ రకుల్ ప్రీత్ సింగ్ హీరోయిన్గా నటిస్తోంది.
దానయ్య నిర్మిస్తున్న ఈ సినిమాకు తమన్ సంగీతాన్ని అందిస్తున్నాడు.ఈ సినిమాను దసరాకు విడుదల చేయాలనే పట్టుదలతో ఈ సినిమాను శరవేగంగా చిత్రీకరిస్తున్నారు.