మంచు హీరో మనోజ్‌ నిశ్చితార్థ వేడుక నేడు అంగరంగ వైభవంగా జరిగింది.హైదరాబాద్‌ పార్క్‌ హయత్‌ హోటల్‌లో సినీ మరియు రాజకీయ ప్రముఖుల సమక్షంలో ఈ నిశ్చితార్థ వేడుక జరిగింది.
కాబోయే వధు వరులు పరస్పరం ఉంగరాలు మార్చుకున్నారు.ఈ నిశ్చితార్థ వేడుకలోనే పెళ్లి డేట్‌ను కూడా ఫిక్స్‌ చేసుకున్నట్లుగా తెలుస్తోంది.
ఈ వివాహ నిశ్చితార్థ వేడుకలో ఆంధ్రప్రదేశ్‌ ముఖ్యమంత్రి చంద్రబాబు నాయుడు, ప్రతిపక్ష నేత వైఎస్‌ జగన్, విజయమ్మ, తెలంగాణ మంత్రి తలసాని శ్రీనివాస్‌ యాదవ్‌లు పాల్గొన్నారు.ఇక సినిమా ఇండస్ట్రీ నుండి దాసరి నారాయణ రావు, జెమిని కిరణ్, తాప్సి, జయప్రద, శ్యామ్‌ ప్రసాద్‌ రెడ్డి, బ్రహ్మాజీలతో పాటు మరెంతో మంది ప్రముఖులు ఈ నిశ్చితార్థ వేడుకలో పాల్గొన్నారు.
