సూపర్‌ స్టార్‌ మహేష్‌బాబు ప్రస్తుతం నటిస్తున్న సినిమాకు ఇంత కాలం టైటిల్‌గా ‘శ్రీమంతుడు’ చలామణి అయ్యింది.అయితే తాజాగా చిత్ర యూనిట్‌ సభ్యుల ద్వారా అందుతున్న సమాచారం ప్రకారం ఈ సినిమాకు ‘శ్రీమంతుడు’ టైటిల్‌ ఫిక్స్‌ చేయలేదు అని తేలిపోయింది.
ఇంకా ఈ సినిమాకు టైటిల్‌ పరిశీలన దశలోనే ఉంది అంటూ చిత్ర యూనిట్‌ అనధికారికంగా తేల్చి చెప్పింది.విశ్వసనీయ సమాచారం ప్రకారం ఈ సినిమాకు ‘మగాడు’ అనే టైటిల్‌ను పరిశీలిస్తున్నట్లుగా తెలుస్తోంది.
ఈ టైటిల్‌కు మహేష్‌బాబు ఫ్యాన్స్‌ నుండి మంచి స్పందన వస్తోంది.
‘మిర్చి’ ఫేం కొరటాల శివ దర్శకత్వంలో తెరకెక్కుతున్న ఈ సినిమాను జులై 17న విడుదల చేయాలని ఇప్పటికే నిర్ణయించారు.
ఇక మే 31న ట్రైలర్‌ను విడుదల చేయబోతున్నారు.అప్పటి వరకు ఈ సినిమా టైటిల్‌పై ఒక క్లారిటీ వచ్చే అవకాశాలు లేవని అంటున్నారు.
ఇప్పటికే ఈ సినిమా షూటింగ్‌ దాదాపుగా పూర్తి అయ్యింది.అతి త్వరలో మొత్తం షూటింగ్‌ పూర్తి చేసి వచ్చే నెలలో ఆడియోను విడుదల చేసే పనిలో పడ్డాడు దర్శకుడు.
వరుస ఫ్లాప్‌ల తర్వాత మహేష్‌ నటిస్తున్న ఈ సినిమాపై సూపర్‌ ఫ్యాన్స్‌ భారీ స్థాయిలో అంచనాలు పెట్టుకున్నారు.మరి ‘మగాడు’గా మహేష్‌బాబు అలరిస్తాడో లేదో చూడాలి.
