చేతులు నున్నగా,మెరుస్తూ అందంగా ఉండాలని మనం ఎన్నో జాగ్రత్తలను తీసుకుంటాం.కానీ మోచేతుల నలుపు గురించి పెద్దగా పట్టించుకోము.
దాంతో అక్కడి చర్మం నల్లగా, దళసరిగా మారుతుంది.మోచేతుల చర్మంలో నూనె గ్రంధులు తక్కువగా ఉండుట వలన పొడిగా, దళసరిగా మారుతుంది.
ఈ సమస్యను అదుపులో ఉంచుకోవటానికి ఒక చిట్కా ఉంది.ఇప్పుడు దాని గురించి తెలుసుకుందాం.
నిమ్మ,పుదీనా బ్లీచ్
నిమ్మరసం,పుదీనాతో తయారుచేసిన బ్లీచ్ సాయంతో మోచేతుల నలుపు పోగొట్టవచ్చు.నిమ్మరసం సహజసిద్ధమైన బ్లీచ్ గా పనిచేస్తే, పుదీనా చర్మానికి మృదుత్వాన్ని ఇస్తుంది.
కావలసిన పదార్ధాలు
నిమ్మచెక్క – 1
నీరు – అరకప్పు
పుదీనా ఆకులు – గుప్పెడు లేదా పుదీనా పొడి ఒక స్పూన్
తయారి విధానం అరకప్పు నీటిలో ఒక స్పూన్ పుదీనా పొడి వేసి మరిగించాలి.ఈ మిశ్రమాన్ని వడకట్టి నిమ్మరసం కలపాలి.
ఇలా వాడాలి
ఈ మిశ్రమంలో కాటన్ బాల్ ముంచి మోచేతులు రాసి 15 నిముషాలు అయ్యాక గోరువెచ్చని నీటితో శుభ్రం చేయాలి.ఆ తర్వాత ఆలివ్ ఆయిల్ తో మసాజ్ చేయాలి.
ఈ విధంగా వారంలో మూడు సార్లు చేస్తే మంచి ఫలితం కనపడుతుంది.