మాస్ మహారాజ రవితేజ తాజా చిత్రం ‘కిక్ 2’ చిత్రంకు ప్రేక్షకుల నుండి మిశ్రమ స్పందన వస్తోంది.కొందరు ఈ సినిమా జస్ట్ టైం పాస్ ఎంటర్టైనర్ అంటుండగా, మరి కొందరు యబౌ యావరేజ్ అంటున్నారు.
మరి కొందరు మాత్రం చెత్తగా ఉంది అంటూ తెల్చేస్తున్నారు.మొదటి ఆట నుండి మిశ్రమ టాక్ను తెచ్చుకున్నా కూడా ఈ సినిమాకు ఓపెనింగ్ కలెక్షన్స్ భారీగానే వచ్చాయి.
సినిమాపై ఉన్న అంచనాల దృష్టి మొదటి మూడు రోజులు చిత్రానికి కలెక్షన్స్ భారీగానే ఉంటాయని అందరికి తెల్సిందే.ఆశించినట్లుగానే మొదటి రోజు ఏపీ మరియు తెలంగాణ రాష్ట్రాల్లో ఈ సినిమా 6.75 కోట్లు వసూళ్లు చేసినట్లుగా తెలుస్తోంది.ఓవర్సీస్ మరియు ఇతర ప్రాంతాల్లో కలిపి 80 లక్షలను ఈ సినిమా వసూళ్లు చేయగలిగింది.
ఈరోజు మరియు రేపు కూడా చిత్రానికి మంచి కలెక్షన్స్ వచ్చే అవకాశాలున్నాయని సినీ వర్గాల వారు అంటున్నారు.ఆ తర్వాత ఈ సినిమా కలెక్షన్స్ను రాబట్టడం అంత ఈజీ కాదు అంటు ట్రేడ్ విశ్లేషకులు చెప్పుకొస్తున్నారు.
మొత్తంగా ఈ సినిమా 25 నుండి 28 కోట్ల వసూళ్లను రాబట్టే ఛాన్స్ ఉంది అంటు ట్రేడ్ పండితులు అంచనా వేస్తున్నారు.