కొంతమందికి కొంత క్రేజ్ ఉంటుంది.తెలుగులో పవర్ స్టార్ పవన్ కల్యాణ్ ఏం చేసినా క్రేజే.
ఆయన హెయిర్ స్టైల్ నుంచి చెప్పే డైలాగుల నుంచి, హ.హ.అనే మేనరిజమ్ వరకు ప్రతిదీ క్రేజే.ఈ జనసేన పార్టీ అధ్యక్షుడు తాజాగా సర్దార్ గబ్బర్సింగ్లో నటిస్తున్నారు.
ఈ సినిమా షూటింగ్ వడోదరలో జరుగుతోంది.పవన్ కల్యాణ్తో పాటు కాజల్, బ్రహ్మానందం కూడా ఈ సినిమా షూటింగ్లో పాల్గొంటున్నారు.
బాబీ (కె.ఎస్.రవీంద్ర) దర్శకత్వం వహిస్తున్న ఈ సినిమాను శరత్మరార్ తెరకెక్కిస్తున్న విషయం తెలిసిందే.దేవిశ్రీ సంగీతాన్ని సమకూరుస్తున్నారు.అన్ని పాటల కంపోజింగ్ పూర్తయిందట.ఒకే ఒక్క బిట్ సాంగ్ మాత్రం పెండింగ్ ఉందట.
ఆ పాటను పవన్ కల్యాణ్ పాడితే బావుంటుందని అటు దేవిశ్రీ ప్రసాద్, ఇటు బాబీ కూడా ఆశపడుతున్నారట.ఇటీవల అత్తారింటికిదారేది సినిమాలో కాటమరాయుడా కదిరీనరసింహుడా అనే పాటను పవన్ కల్యాణ్ పాడిన విషయం తెలిసిందే.
తెలుగు యాసలపై ఆసక్తిని కనబరిచే పవన్ కల్యాణ్ ఈ సారి ఎలాంటి పాటను పాడుతారో,, అది ఏ మాండలికంలో ఉండబోతోందో? అనేది అభిమానుల్లో ఉత్కంఠతను రేకెత్తుతోంది.