నందమూరి కళ్యాణ్ రామ్ ఎక్కువగా తన సొంత బ్యానర్లో తానే నిర్మాతగా సినిమాలు చేస్తుంటారు.బయటివారికి కళ్యాణ్ నిర్మాణ బాధ్యతలు అప్పగించటం చాలా అరుదు.
తన నిర్మాణంలో ఫ్లాపులు చూసిన ఈ నందమూరి హీరో, పటాస్ లాంటి భారీ బ్లాక్బస్టర్ కూడా చూశాడు.అయితే అప్పట్లో వచ్చిన “ఓం” సినిమా మాత్రం కళ్యాణ్ రామ్ ని దారుణంగా దెబ్బతీసింది.
కిక్ 2 కూడా పెద్ద ఫ్లాప్ గా నిలిచింది.
దాంతో కళ్యాణ్ రామ్ అప్పుల్లో మునిగిపోయాడని, పటాస్ తో కూడా అప్పులు తీరలేదని, ఇజంకి కూడా బడ్జెట్ భారీగా పెట్టేసాడని, ఈ సినిమా హిట్ అయిన ఈ క్రేజీ హీరోకి పెద్దగా ఏం మిగలదని చర్చలు మొదలయ్యాయి.
కాని అందరు అనుకున్నంతా దారుణమైన పొజిషన్ లో ఏమి లేనని కళ్యాణ్ రామ్ వస్తున్న వార్తల్ని కొట్టిపారేసాడు.
ఇజంకి బడ్జెట్ కొద్దిగా అటు ఇటు అయ్యి ఇబ్బందిపడ్డ విషయం వాస్తవమే, కెరీర్ కోసం అలాంటివి తప్పవు కాని కళ్యాణ్ రామ్ మొత్తం మునిగిపోయాడని వచ్చిన వార్తలు మాత్రం నిజం కాదని, అలాంటి పరిస్థితి ఉంటే మరిన్ని సినిమాలు నిర్మించే అలోచనలో ఎందుకు ఉంటానని కళ్యాణ్ రామ్ చెప్పుకొచ్చాడు.