హేమ ఎంత సహాయం చేస్తుందో....!

సహాయం చేసే వ్యక్తి ప్రస్తుత భాజపా ఎంపీ, మాజీ హీరోయిన్‌ హేమమాలిని.దాన్ని అందుకోవల్సిన వారు కారు ప్రమాదంలో గాయనడినవారు.

 Hema Malini To Provide Financial Aid To Accident Victims-TeluguStop.com

ఈమధ్య రాజస్థాన్‌లోని దౌసా జిల్లాలో హేమమాలిని ప్రయాణిస్తున్న కారు, మరో వాహనాన్ని ఢీకొనడం, హేమకు తీవ్ర గాయాలు కావడం, అవతలి కారులో ఐదేళ్ల పాప చనిపోవడం, మిగతావారు తీవ్రంగా గాయపడటం…ఇదంతా తెలిసిందే.హేమమాలిని ప్రస్తుతం చాలావరకు కోలుకున్నారు.

ఇంటికి తిరిగొచ్చారు.ఈ సందర్భంగా హేమ కూతురు ఇషా డియోల్‌ మీడియాతో మాట్లాడుతూ తల్లి రికవర్‌ అయినందుకు చాలా సంతోషపడింది.

చిన్నపాటి సర్జరీ జరిగిందని, ఇతరత్రా బాగానే ఉందని చెప్పింది.ప్రమాదం జరిగినప్పుడు అవతలి కారులోని చిన్న పాప చనిపోవడం చాలా బాధ కలిగించిందని ఆవేదన వ్యక్తం చేసింది.

ఇది చాలా దురదృష్టకరమైన ఘటన అని పేర్కొంది.ఆ కారులో గాయపడిన వారికి తన తల్లి తప్పకుండా సహాయం చేస్తుందని చెప్పింది.

ఆమె నాయకురాలే కాకుండా, మానవత్వం ఉన్న మంచి మనిషని చెప్పింది.ఈ సందర్భంగా ఈషా డియోల్‌ మీడియా ద్వారా జనానికి ఓ సలహా కూడా ఇచ్చింది.

కారులో వెనక సీటులో ఉన్నవారు కూడా సీటు బెల్టు పెట్టుకోవాలని, అది పెట్టుకోకపోవడం వల్లనే తన తల్లి గాయపడిందని చెప్పింది.మరి కూతురు ఈషా చెప్పినట్లుగా గాయపడిన కుటుంబానికి హేమమాలిని భారీగా సాయం చేయాల్సిన అవసరం ఉంది.

అందులోనూ వారు పాపను కూడా కోల్పోయారు.ఏదో నామమాత్రపు సాయం అందిస్తే ‘పేరు గొప్ప…ఊరు దిబ్బ’ అన్న చందంగా ఉంటుంది.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube