దర్శకుడు హరీష్ శంకర్ పవర్ స్టార్ పవన్ కళ్యాణ్ కి వీరాభిమాని అన్న సంగతి తెలిసిందే.గబ్బర్ సింగ్ లో ఆ విషయం స్పష్టంగా కనిపిస్తుంది.
ఆ డైరెక్టర్ కూడా పలుమార్లు ఆ విషయాన్ని పబ్లిక్ గా చెప్పారు.ఎప్పుడైతే ఆ గబ్బర్ సింగ్ తీసారో, అప్పటినుంచి మెగాఫ్యామిలినే పట్టేసుకున్నారు హరీష్.
మధ్యలో ఎన్టీఆర్ తో రామయ్య వస్తావయ్యా మినహాయిస్తే, అన్ని మెగా ఫ్యామిలి సినిమాలే.
సాయిధరమ్ తేజ్ తో సుబ్రమణ్యం ఫర్ సేల్ తీసి ఓ యావరేజ్ తన ఖాతాలో వేసుకున్న ఈ దర్శకుడు ప్రస్తుతం మరో మెగా హీరో అల్లు అర్జున్ తో డీజే – దువ్వాడ జగన్నాథం చేస్తున్న సంగతి తెలిసిందే.
ఈ సినిమా షూటింగ్ సరిగా మొదలుకాక ముందే, మరో మెగాహీరోతో సినిమా ప్లాన్ చేస్తున్నాడట ఈ యువ దర్శకుడు.
ఆ మెగా హీరో మరెవరో కాదు, మెగాపవర్ స్టార్ రామ్ చరణ్.
అవును, రామ్ చరణ్ – హరీష్ శంకర్ మధ్య కథాచర్చలు జరుగుతున్నాయట.అన్నీ అనుకున్నట్లుగా జరిగితే ఈ సినిమా రామ్ చరణ్ – సుకుమార్ చిత్రం తరువాత మొదలవొచ్చు అని ఫిలింనగర్ టాక్.
