హైదరాబాద్ లాంటి మహానగరాల్లోని ఏదైనా రిచ్ ఏరియాలోని ఒక హ్యాంగ్ అవుట్ ప్లేస్ లోకి వెళ్ళి చూస్తే, అబ్బాయిలతో సమానంగానే సిగరెట్లు కాలుస్తారు అమ్మాయిలు.ఆడైనా, మగైనా .
అలా సిగరేట్ కాల్చడం ఒక స్టైల్ అయిపోయింది నేడు.కాని సిగరేట్ కాల్చడం వల్ల, మగవారి కన్నా ఆడవారికే ఎక్కువ ప్రమాదం అంట.ఫిన్లాండ్ జరిగిన ఒక రీసెర్చిలో పరిశోధకులు ఈ విషయాన్ని గమనించారు.
సిగరెట్లు అతిగా కాలిస్తే, బ్రెయిన్ లోపల బ్లీడింగ్ అయ్యే ప్రమాదం ఉంటుందట.
ఇలాంటి సమస్యను Subarachnoid Hemorrhage అని అంటారు.ఈ ప్రమాదం ఇటు ఆడవాళ్ళకి, అటు మగవాళ్ళకి ఉన్నా, మగవారితో పోల్చుకుంటే, ఆడవారిని మెదడుకే ప్రమాదం ఎక్కువట.
” అవును, Subarachnoid Hemorrhage వచ్చే రిస్క్ ఎక్కువ ఆడవారికే ఉంది.ఈ విషయం మా రిసెర్చిలో తేలింది.1-10, 20-30 ఇలా రోజుకి ఎన్ని సిగరెట్లు తాగే అలవాటు ఉన్నా, మగవారితో పోల్చుకుంటే, బ్రెయిన్ లో బ్లీడింగ్ అయ్యే ప్రమాదం ఫీమేల్స్ కే ఎక్కువ.ఈ సమస్యకు పరిష్కారం సిగరెట్లకి దూరంగా వెళ్ళడమే.
అరోగ్యాన్ని పట్టించుకోవాలి యువత” అంటూ వల్దేమర్ అనే ఫీజిషియన్ చెప్పుకొచ్చారు.
ఈ రిసెర్చిలో 65 వేలకుపైగా స్మోకర్స్ పాల్గొంటే, అందులో సగానికి ఎక్కువ మంది ఆడవారే కావడం విశేషం.
అలాగని ఈ ప్రమాదం కేవలం ఆడవారికే వస్తుందని కాదు.మగవారికి రిస్క్ కొద్దిగా తక్కువ అంతే.
ఆడవారైనా, మగవారైనా .ధూమపానానికి దూరంగా ఉంటేనే మంచిది.
