చూస్తుండగానే బాలకృష్ణ వందవ చిత్రం గౌతమీపుత్ర శాతకర్ణి 50 రోజులు పూర్తి చేసుకుంది.చేసిన బిజినెస్ కి, కలెక్ట్ చేసిన షేర్ కి ఈ సినిమాని హిట్ గా చెప్పుకోవచ్చు.
కాబట్టి, ఒకటి రెండు చోట్ల తప్పిస్తే, పంపిణిదారులు సేఫ్ అన్నమాట.ఇక సినిమా ఎంత కలెక్ట్ చేసింది అంటే 50-52 కోట్ల దాకా షేర్ వసూలు చేసింది.47-48 కోట్ల థియేట్రికల్ బిజినెస్ కి ఇది ఫర్వాలేనిపించే రికవరియే.
అయితే, గౌతమీపుత్ర శాతకర్ణి నిర్మాతలు ఈ చిత్రం 77 కోట్ల రాబడి పొందింది అని 50 రోజుల పోస్టర్ ఒకటి వదిలారు.
ఈ పోస్టర్ ట్రెడ్ జనాల బుర్రకి అర్థం కావడం లేదు.వచ్చిన షేర్ కి సాటిలైట్ రైట్స్, మిగితా హక్కులు కలుపుకున్నా, 60-62 కోట్ల రాబడి మాత్రమే కనబడుతోంది.
మిగితా 15 కోట్లు ఎక్కడివి? ఫేక్ కలెక్షన్లు ప్రచారం చేయాలని చూస్తున్నారా?
అలాకాదు, గ్రాస్ కలెక్షన్లు చెబుతున్నారా? ఈ సినిమా దాదాపుగా 78-80 కోట్ల గ్రాస్ వసూలు చేసింది.గ్రాస్ కలెక్షన్లని రాబడి అని ఎవరు చెప్పుకోరు కదా .సో, ఆ 77 కోట్లు గ్రాస్ కూడా కాదు.ఏమిటో ఈ పబ్లిసిటి లెక్కలు .నిర్మాతలకే తెలియాలి.
అయినా, ఇందులో హీరోని తప్పుబట్టడానికి ఏమి లేదులేండి.
పది రూపాయలు వస్తే, దాన్ని పదమూడు, పధ్నాలుగుగా చూపించడం ఎప్పటినుంచో తెలుగు నిర్మాతలకి ఉన్న అలవాటేగా.