దాదాపుగా ప్రతీ రెండొవ టీనేజర్ ని ఇబ్బందిపెట్టే సమస్య ఆక్నే (మొటిమలు).కొందరికి వీటి బెడద ఎక్కువ ఉంటుంది .
అంతే తేడా ! అయితే మొటిమలు కేవలం టీనేజర్స్ కే వస్తాయి, ఆ తరువాత రావు అని అనుకుంటే అది మీ పొరపాటే.టీనేజ్ దాటిన తరువాత కూడా మొటిమలు రావొచ్చు.
దానికి కొన్ని కారణాలు కూడా ఉన్నాయి.
* 22-23 సంవత్సరాలు దాటినా, పింపుల్స్ రావడానికి అతిపెద్ద కారణం డిప్రేషన్.
ముభావంగా ఉండే ముఖం ఎప్పుడు అనారోగ్యానికే దారి తీస్తుంది.స్ట్రెస్ హార్మోనల్ ఇంబ్యాలెన్స్ జరిగి, ఆయిల్ సీక్రేషన్ ఎక్కువైపోయి మొటిమలు ఏర్పడతాయి.
* ఒక్కసారిగా డైట్ మార్చడం వలన మొటిమలు వస్తాయి.మహానగరాల్లో ఉండే యువత తిండి ఎప్పుడు ఒకెలా ఉండదు.
రుచి కోసం కొత్తరకం వంటకాలన్నీ ప్రయత్నిస్తారు.అవి ఇంట్లో ప్రయత్నిస్తే వేరు విషయం, బయట ఫుడ్ కి అలవాటు పడితేనే కష్టం.
* కొన్నిరకాల స్కిన్ ప్రాడక్ట్స్ కూడా బ్రేక్ అవుట్స్ కి కారణమయ్యి, మొటిమల బెడద పెంచుతాయి.అందుకే బ్యూటి ప్రాడక్ట్స్ అయినా సరే, పరిజ్ఞానం ఉన్నవారిని సంప్రదించే వాడాలి.
* స్మార్ట్ ఫోన్స్ రోజంతా వాడతారు కాని, వాటిని పరిశుభ్రంగా ఉంచుకునే అలవాటు ఎవరి దగ్గర కనబడదు.స్మార్ట్ ఫోన్స్ మోసుకొచ్చే బ్యాక్టీరియా కంటికి కనబడదు కాని చేయాల్సిన హాని చేస్తుంది.
* చేతులు ముఖం మీద పెట్టే అలవాటు ఉంటుంది కొందరికి.నిజానికి ఇది చెడ్డ అలవాటు.
ఎక్కడెక్కడో చేతులు పెట్టి, బ్యాక్టీరియా తగిలించుకొని, ముఖానికి మీరే రాసుకుంటారు.
* ఇక సీటిల్లో ఉండే పోలుషన్, గంటలకొద్దీ ప్రయాణాలు ఎలాగో బ్రేక్ అవుట్స్ కి కారణమవుతాయి.
ఇక జెనిటిక్ ప్రాబ్లం, హార్మోనల్ ప్రాబ్లంతో మొటిమలు వస్తే, అది మీ దురదృష్టం.