అప్పుడే చలికాలం వచ్చేసింది.తెలుగు రాష్ట్రాలలోని కొన్ని ప్రాంతాల్లో ఉదయం పూట 20 డిగ్రీలకు తక్కువగా ఉష్ణోగ్రతలు నమోదవుతున్నాయి.
ఈ చలికాలం మోసుకొచ్చే సమస్యల్లో ఓ ప్రాధానమైన సమస్య పెదాలు పగలడం.కొన్నిసార్లు ఈ సమస్య నొప్పిని తీసుకొస్తుంది.
కొందరికి రక్తస్రావం కూడా జరుగుతుంది.కాని సాధారణంగా మాత్రం, పెదాల చుట్టూ చర్మం చచ్చిపోయినట్లు ఉండి, చూడడానికి అంతగా బాగుండదు.
ఈ సమస్య ఇప్పటినుంచి మొదలు మరో మూడు నెలల వరకు మిమ్మల్ని వెంటాడవచ్చు.మరి ఈ సమస్యకు చికిత్స ఇంట్లో లేదా అంటే ఉంది, కేవలం లిప్ బామ్స్ మీద ఆధారపడటమే కాదు, సహజ వనరులతో కూడా పగిలిన పెదాలను సరిచేసుకోవచ్చు.
* ద్రవ పదార్థాలు తాగుతూ ఉండాలి.లిప్స్ డ్రై అవకుండా ఉండటానికి ఇదో మంచి మార్గం.
* తేనే, రోజ్ వాటర్ కలిపి ఓ మిశ్రమంలా తయారు చేసుకొని, పెదవులకి పట్టాలి.ఇలా రోజుకి రెండుసార్లు చేసుకుంటే చాలు.
* స్వచ్చమైన తేనే దొరకాలే కాని, అసలు ఏ రకమైన లిప్ బామ్ కాని, కెమికల్ కాని అవసరం లేదు.సింపుల్ గా ఆర్గానిక్ తేనే పెదాలకి రాయండి సరిపోతుంది.
* నిమ్మరసం కూడా పగిలిన పెదాలకి పాతరూపం తీసుకువస్తుంది.
* కలబందకి నేచురల్ మాయిశ్చరైజర్ అనే పేరు ఉంది.
కాబట్టి కలబందని అద్దుతూ ఉండండి.
* గ్రీన్ టీ బ్యాగ్, మిల్క్ క్రీమ్, కోకోనట్ ఆయిల్, కీరదోస కూడా మీ పగిలిన పెదాల్ని బాగుచేస్తాయి.