కమల్ హాసన్ వచ్చే నెలలో తమిళ ప్రేక్షకుల ముందుకు ‘పాపనాశం’ సినిమాతో రాబోతున్నట్లుగా మీడియాలో వార్తలు వచ్చాయి.‘పాపనాశం’ విడుదల తేదీని అధికారికంగా కమల్ హాసన్ ప్రకటించాడు.
అయితే తాజాగా అందుతున్న సమాచారం ప్రకారం ‘పాపనాశం’ విడుదల వాయిదా వేశారు.జులై 3న ప్రేక్షకుల ముందుకు రావాల్సి ఉన్న ‘పాపనాశం’కు అడ్డంకులు ఏర్పడ్డాయి.
ఈ సినిమాను విడుదల చేసే ముందు తమను ఆదుకోవాలి అంటూ ‘ఉత్తమ విలన్’ సినిమా డిస్ట్రిబ్యూటర్లు డిమాండ్ చేస్తున్నారు.
‘ఉత్తమ విలన్’ సినిమా వల్ల తాము చాలా నష్టపోయాం అని, భారీ స్థాయిలో సక్సెస్ అవుతుంది అంటూ తమ వద్ద భారీ మొత్తాలు వసూళ్లు చేశారు.
ఆ సినిమా ఫ్లాప్ అవ్వడంతో తమకు కోట్లలో నష్టం వాటిల్లింది అంటూ డిస్ట్రిబ్యూటర్లు గగ్గోలు పెడుతున్నారు.తమ నష్టానికి పరిహారం చెల్లిస్తే తప్ప ఈ సినిమాను విడుదల చేయనిచ్చేది లేదు అంటూ తేల్చి చెబుతున్నారు.
దాంతో కమల్ హాసన్ ఆలోచనల్లో పడ్డాడని తెలుస్తోంది.అందుకే ఈ సినిమా ప్రమోషన్ కార్యక్రమాలు చేపట్టడం లేదు అని, ఎప్పుడు విడుదల చేసేది కూడా కమల్ నిర్ణయించుకోలేక పోతున్నాడు అంటూ తమిళ మీడియా వర్గాల్లో ప్రచారం జరుగుతోంది.