తమిళ స్టార్ హీరో ధనుష్ ఇటీవలే ‘వీఐపీ’ సినిమాతో మంచి విజయం సాధించిన విషయం తెల్సిందే.తమిళంలో స్టార్ హీరోగా మంచి క్రేజ్ ఉన్న ధనుష్కు తెలుగులో కనీస గుర్తింపు కూడా లేదు.
తమిళంలో ధనుష్ తర్వాతి స్థానంలో ఉండే కార్తి తెలుగులో మంచి గుర్తింపు ఉన్న హీరోగా నిలిచాడు.అందుకే ధనుష్ కూడా చాలా కాలంగా తెలుగులో గుర్తింపు తెచ్చుకోవాలనే పరితపిస్తున్నాడు.
ఆక్రమంలోనే ‘వీఐపీ’ డబ్బింగ్గా తెలుగు ప్రేక్షకుల ముందుకు రాబోతుంది.
‘వీఐపీ’ని మొదట రామ్ హీరోగా రీమేక్ చేయాలని నిర్ణయించారు.
కాని కొన్ని కారణాల వల్ల ఈ రీమేక్ సెట్స్ పైకి వెళ్లలేదు.దాంతో డబ్బింగ్ చేసి విడుదల చేసేందుకు సిద్దం అయ్యారు.
స్రవంతి రవికిషోర్ ఈ చిత్రాన్ని తెలుగు ప్రేక్షకులకు సమర్పిస్తున్నాడు.తాజాగా ఆడియో విడుదలైన ఈ సినిమా జనవరి 1న ప్రేక్షకుల ముందుకు రాబోతుంది.
మరి ఈ సినిమాతో అయినా ధనుష్కు తెలుగులో ఎంట్రీ దక్కుతుందేమో చూడాలి.తమిళనాట మంచి విజయం సాధించిన ఈ సినిమా తెలుగులో సక్సెస్ అయ్యేనో లేదో అనే విషయం ఆసక్తికరంగా ఉంది.
ఇక ఈ సినిమాలో అమలాపాల్ హీరోయిన్గా నటించింది.