యంగ్ టైగర్ ఎన్టీఆర్ ‘నాన్నకు ప్రేమతో’ చిత్రం విడుదల ఎట్టి పరిస్థితుల్లో సంక్రాంతికే ఉంటుంది అంటూ చిత్ర యూనిట్ సభ్యులు రెండు మూడు రోజుల ముందు వరకు గట్టిగా ప్రకటిస్తూ వస్తున్న విషయం తెల్సిందే.అయితే తాజాగా పరిస్థితులను గమనిస్తే ‘నాన్నకు ప్రేమతో’ చిత్రం వాయిదా పడే సూచనలు ఎక్కువగా కనిపిస్తున్నాయి.
ఇటీవలే ‘నాన్నకు ప్రేమతో’ చిత్రం ఆడియో విడుదల కార్యక్రమం అంగరంగ వైభవంగా జరిగిన విషయం తెల్సిందే.ఈ ఆడియో విడుదల కార్యక్రమంలో స్వయంగా ఎన్టీఆర్ లేదా దర్శకుడు సుకుమార్లలో ఒకరు సినిమా విడుదలపై ఒక క్లారిటీ ఇచ్చే అవకాశాలున్నాయని అంతా భావించారు.
కాని అలా జరగలేదు.
ఎన్టీఆర్ లేదా సుకుమార్లు చిత్ర విడుదలపై ఎలాంటి క్లారిటీ ఇవ్వలేదు.
కనీసం చిత్ర యూనిట్ సభ్యుల్లో ఏ ఒక్కరు సైతం సినిమా విడుదల సంక్రాంతికి ఉంటుంది అనే ప్రకటన చేయలేదు.అసలు ఆడియో ఫంక్షన్లో సంక్రాంతి పదం రాలేదు.
దాంతో సినీ విశ్లేషకులు మరియు సినీ వర్గాల వారు ఈ చిత్రం సంక్రాంతికి విడుదల అవ్వడం అనుమానమే అంటున్నారు.దానికి తోడు ఈ చిత్రం షూటింగ్ ఇంకా బ్యాలెన్స్ ఉంది అని చిత్ర యూనిట్ సభ్యులే స్వయంగా చెబుతున్నారు.
షూటింగ్లో పాల్గొనేందుకు ఎన్టీఆర్ సిద్దంగా లేడు అని, ఆయన అనారోగ్యంతో బాధపడుతున్నట్లుగా తెలుస్తోంది.షూటింగ్ ఆలస్యం అవ్వడంతో పాటు, సంక్రాంతికి బాబాయి బాలయ్య సినిమా ఉండటం వల్ల ఎన్టీఆర్ కాస్త తగ్గి ఉంటాడు అనే గుసగుసలు వినిపిస్తున్నాయి.