Connect with us

Telugu All In One Web Stop – Watch Telugu News,Videos,Movies,Reviews,Live Channels,TV Shows,TV Serials,Photos,Twitter Updates Instantly

కెసిఆర్ ని కూడా లెక్క చేసేది లేదు .. మహేష్ బాబు ఓ లెక్కా ?-BB Nagar People Stalls Mahesh Babu’s Spyder Shoot

సూపర్ స్టార్ మహేష్ బాబు ప్రస్తుతం నటిస్తున్న సినిమా స్పైడర్. ఏ ఆర్ మురుగదాస్ దర్శకత్వంలో తెరకెక్కుతున్న ఈ తెలుగు – తమిళ ద్విభాషా చిత్రం షూటింగ్ చివరి దశకు చేరుకుంది. ఈ సినిమాలో రకుల్ ప్రీత్ హీరోయిన్ గా నటిస్తుండగా, ఎన్విఆర్ సినిమా పతాకంపై ఠాగూర్ మధు సమర్పణలో ఎన్వీ ప్రసాద్ 100 కోట్లకు పైగా బడ్జెట్ తో నిర్మిస్తున్నారు.

స్పైడర్ కి సంబంధిన ఓ కీలక సన్నివేశాన్ని యాదాద్రి భువనగురి జిల్లా బీబీనగర్ లోని నిమ్స్ హాస్పిటల్ లో చిత్రీకరించేందుకు ప్లాన్ చేసింది చిత్ర యూనిట్. నిమ్స్ డైరెక్టర్ పర్మిషన్ కూడా తీసుకుంది. కాని షూటింగ్ ఇలా మొదలవగానే అలా ఆపేశారు స్థానికులు. బీబీనగర్ ప్రజలకి మహేష్ తో ఏమిటి వైరం ? ఎందుకు స్పైడర్ షూటింగ్ ని ఆపేశారు ? వారికీ మహేష్ చేసిన అన్యాయం ఏమిటి ?

వారికి మహేష్ తో ఎలాంటి ఇబ్బంది లేదు. మహేష్ వలన వారు నష్టపోయింది కూడా లేదు. షూటింగ్ ని అడ్డుకోవడానికి కారణం తెలంగాణ ప్రభుత్వమే. విషయం ఏమిటంటే, ఈ కొత్త భవన సముదాయంలో ఇంకా పూర్తిస్థాయి సేవలు అందుబాటులోకి రాలేదు. ఈ విషయంలో జాప్యం చేస్తున్నది ప్రభుత్వమే అని ప్రజల ఆరోపణ.

వైద్య సేవలు అందుబాటులోకి రావు కాని, సినిమా షూటింగ్ కి మాత్రం పర్మీషన్ ఇస్తారా అంటూ ప్రజలు ఆందోళనకు దిగారు. మహేష్ బాబు కాదు, కేసిఆర్ వచ్చినా ఈ సినిమా షూటింగ్ ఇక్కడ జరగదని, ముందుగా వైద్య వసతులు ఇప్పించి ఆ తరువాత సినిమా షూటింగులకి పర్మీషన్ ఇవ్వండి అంటూ ప్రజల మాటల్లో తన మాట కూడా కలిపారు యువ తెలంగాణ కన్వీనర్ జిట్టా బాలకృష్ణ రెడ్డి. దాంతో నిమ్స్ వారు వెంటనే షూటింగ్ పర్మీషన్ కి వెనక్క తీసుకోవాల్సివచ్చింది.

Continue Reading
More Posts
To Top