వయస్సుకు తగ్గ పాత్రలు చేయడం కంటే, తమ వయస్సు కంటే ఎక్కువ వయస్సున్న పాత్రలు లేదా తక్కువ వయస్సున పాత్రలు చేసినప్పుడే నటీనటులు తమ సత్తాను చూపగలరు.అలాంటి పాత్రల్లో నటించి మెప్పించినప్పుడే వారి ట్యాలెంట్‌ బయటకు వస్తుంది.
తాజాగా అనుష్క తన ట్యాలెంట్‌ను నిరూపించుకునే సాహసాలు చేస్తోంది.ఇప్పటికే ఈమె ‘బాహుబలి’లో ప్రభాస్‌కు తల్లిగా కనిపించబోతున్న విషయం తెల్సిందే.
‘బాహుబలి’లో దేవసేన పాత్ర ప్రేక్షకులకు నచ్చుతుందని అనుష్క చెబుతోంది.ఇక తాజాగా మరోసారి అనుష్క తల్లి పాత్రలో నటించేందుకు తాజాగా గ్రీన్‌ సిగ్నల్‌ ఇచ్చింది.
తమిళ స్టార్‌ హీరో ‘సింగం’, ‘సింగం`2’ సినిమాల్లో అనుష్క హీరోయిన్‌గా నటించింది.ఆ రెండు సినిమాలు కూడా సూపర్‌ హిట్‌ అయ్యాయి.
దాంతో తాజాగా ‘సింగం`3’ మూవీని తెరకెక్కించేందుకు దర్శకుడు సిద్దం అవుతున్నాడు.ఇప్పటికే మూడవ పార్ట్‌ కోసం దర్శకుడు రెడీ చేసుకు వచ్చిన స్టోరీ లైన్‌కు సూర్య గ్రీన్‌ సిగ్నల్‌ ఇచ్చాడు అని, మొదటి రెండు పార్ట్‌ల మాదిరిగానే ఈ సినిమాలో కూడా అనుష్క హీరోయిన్‌గా ఉంటుందని తమిళ సినీ వర్గాల్లో ప్రచారం జరుగుతోంది.
అయితే ఈ సినిమాలో సూర్య, అనుష్కలకు ఇద్దరు పిల్లలు ఉంటారని చెబుతున్నారు.పిల్లల తల్లిదండ్రులుగా సూర్య, అనుష్కలు కనిపించబోతుండటంతో ఎలా ఉంటుందో ఈ మూడవ సింగం అని తమిళ ప్రేక్షకులతో పాటు తెలుగు ప్రేక్షకులు కూడా ఆసక్తిగా ఎదురు చూస్తున్నారు.
