అప్పుడప్పుడు ఇలాంటి వింతలు జరుగుతుంటాయి.మగవాడిలో గర్భసంచి, అండాశయం కనబడటం ఏంటి విడ్డూరం కాకపోతే.
ఈ వింత చిత్తూరు జిల్లా, కుప్పంలో జరిగింది.
వివారాల్లోకి వెళితే, తమిళనాడులోని ఇటుకపల్లికి చెందిన యువకుడు అమరేష్ (23) గత కొన్ని రోజులుగా కుడి వృషణంలో నొప్పితో బాధపడుతున్నాడు.
నొప్పి తీవ్రంగా మారడంతో కుప్పంలోనీ శ్రీప్రియ నర్సింగ్ హోమ్ లో చేరాడు.శస్త్రచికిత్స చేసిన డాక్టర్లకి పెద్ద షాకే తగిలింది.
విచిత్రంగా అతని శరీరంలో గర్భసంచి, అండాశయం కనిపించాయి.ఇన్నిరోజులు వృషణం చేయాల్సిన పని అండాశయం చేసిందట.
వృషణం ఉండాల్సిన స్థానం కూడా ఖాలిగా ఉండటంతో మరింతగా నివ్వెరపోయారు.
అతను చిన్ననాటి నుండి ఇంగ్యూనియల్ హెర్నియా తో బాధపడుతున్నాడని, అందుకే శరీరం ఇలా తయారయ్యిందని చెప్పారు డాక్టర్లు.
మొత్తం మీద శస్త్రచికిత్స పూర్తి చేసి గర్భాశయాన్ని, అండాశయాన్ని తొలగించారు.
ఈ అరుదైన కండిషన్ ని “పెర్సిస్టెంట్ ముల్లేరియన్ డక్ట్” అని అంటారని, అయితే చింతించాల్సిన విషయం ఏం లేదని, అమరేష్ ఇకనుంచి సాధారణ జీవితం గడపడమే కాకుండా, పెళ్ళి చేసుకోని, పిల్లల్ని కూడా కనొచ్చని డాక్టర్ సుధీర్ చెప్పారు.