గత వారం ప్రేక్షకుల ముందుకు వచ్చిన ‘గంగ’ సినిమా బాక్సాఫీస్ వద్ద కలెక్షన్స్ వర్షం కురిపిస్తోంది.ఈ సినిమాకు పెద్దగా పోటీ లేక పోవడంతో నిర్మాత సైతం ఊహించని కలెక్షన్స్ను తెచ్చి పెడుతోంది.
మేడే సందర్బంగా విడుదలైన ఈ సినిమాకు మొదటి మూడు రోజుల్లోనే 8 కోట్ల షేర్ వచ్చినట్లుగా తెలుస్తోంది.మేడే రోజు విడుదల అవ్వాల్సిన ‘ఉత్తమ విలన్’ ఆర్థిక ఇబ్బందుల వల్ల వాయిదా పడటంతో ‘గంగ’కు కలిసి వచ్చింది.
తమిళంలో ఇప్పటికే విడుదల అయ్యి, సక్సెస్ అవ్వడం కూడా ఈ సినిమా ఓపెనింగ్స్ భారీగా రావడంలో దోహద పడి ఉంటుందని ట్రేడ్ విశ్లేషకులు భావిస్తున్నారు.
‘ముని’, ‘కాంచన’ సినిమాల తర్వాత రాఘవ లారెన్స్ తెరకెక్కించిన ఈ సినిమాపై మొదటి నుండే అంచనాలు భారీగా ఉన్నాయి.
అంచనాలకు తగ్గట్లుగానే సినిమా హర్రర్ ప్రేక్షకులను ఆకట్టుకునే విధంగా ఉంది.దాంతో కలెక్షన్స్ బాగా వస్తున్నాయి.
‘ఉత్తమ విలన్’ వచ్చినప్పటికి కూడా ‘గంగ’పై ప్రభావం పడలేదు.ఇప్పటికే సక్సెస్ టాక్ను సొంతం చేసుకున్న ‘గంగ’ హవా ఈ వారం మొత్తం సాగే అవకాశాలున్నాయి.
ఈ నెల 8న ‘లయన్’ మరియు ‘దొంగాట’ సినిమాలు విడుదల ఉన్న నేపథ్యంలో ‘గంగ’ కలెక్షన్స్పై ప్రభావం పడనున్నాయి.అయితే ఆ సినిమాల ఫలితం అటు ఇటు అయితే ‘గంగ’ మరో వారం దుమ్ము రేపే ఛాన్స్ ఉంది.