‘గంగ’ సినిమా కోసం రాఘవ లారెన్స్ రెండు సంవత్సరాలు కష్టపడ్డాడు.తనతో పాటు ఈ సినిమాలో నటించిన నటీనటులను మరియు టెక్నీషియన్స్ను కూడా లారెన్స్ తెగ కష్టపెట్టాడు.
ఇటీవలే ఈ సినిమా షూటింగ్ పూర్తి అయ్యి తమిళంలో విడుదల కూడా అయ్యింది.తెలుగు మరియు తమిళంలో ఒకే సారి విడుదల అవ్వాల్సి ఉన్నా కూడా ఆర్థిక ఇబ్బందుల వల్ల తెలుగులో ఆగిపోయింది.
తమిళంలో ఇటీవలే విడుదలై మంచి విజయం సాధించిన ఈ సినిమాను తెలుగులో త్వరలో విడుదల చేయాలని ప్రయత్నాలు జరగుతున్నాయి.ఈ గ్యాప్లో ‘గంగ’కు మరింత ముస్తాబు చేయాలని లారెన్స్ భావిస్తున్నట్లుగా తెలుస్తోంది.
ఈ సినిమాలో హీరోయిన్గా నటించిన తాప్సి రెండు సంవత్సరాలు ఈ సినిమా కోసం పని చేసింది.ఇన్నాళ్లకు ఆ సినిమా పూర్తి అయ్యిందని సంతోషిస్తున్న సమయంలో మరి కొన్ని రోజులు ఈ సినిమా కోసం పని చేయాలి అంటూ లారెన్స్ ఈమెకు సందేశం పంపాడట.
ఈ విషయాన్ని స్వయంగా తాప్పి చెప్పుకొచ్చింది.‘గంగ’ సినిమా కోసం లారెన్స్ ఒక ప్రమోషనల్ సాంగ్ను ప్లాన్ చేశాడు.
అందుకోసం తాప్సి మరో వారం రోజుల పాటు షూటింగ్లో పాల్గొనాల్సి ఉంది.ఈ సినిమాలో తాప్సి డ్యాన్స్, కమర్షియల్ సాంగ్ లేదు.
ఆ లోటును ఈ పాట తీర్చుతుందని సినీ వర్గాల వారు అంటున్నారు.తెలుగులో ఎప్పుడు ఈ సినిమా విడుదల అయ్యేది త్వరలో తేలిపోనుంది.
ఈ సినిమాను తెలుగులో బెల్లంకొడ సురేష్ నిర్మించాడు.