నందమూరి ఫ్యాన్స్కు ఈ సంవత్సరం వరుసగా సంబరాలు చేసుకునే సినిమాలు వస్తాయంటూ నందమూరి కళ్యాణ్ రామ్ ‘టెంపర్’ ఆడియో వేడుకలో చెప్పుకొచ్చాడు.తన సినిమా ‘పటాస్’తో 2015లో నందమూరి వారి ప్రస్థానం మొదలు అయ్యింది.
ఆ తర్వాత తమ్ముడు ‘టెంపర్’ రాబోతుంది.ఆ వెంటనే బాబాయి ‘లయన్’ చిత్రం కూడా నందమూరి అభిమానులను సంతృప్తి పర్చేందుకు రాబోతుంది.
ఈ మూడు సినిమాలు కూడా మూడు అక్షరాల పేర్లు కావడం ఒక సెంటిమెంట్ అంటూ కళ్యాణ్ రామ్ చెప్పుకొచ్చాడు.ఈ సంవత్సరం నందమూరినామ సంవత్సరం అని ఈ నందమూరి హీరో అన్నాడు.
ఆ తర్వాత ఎన్టీఆర్ మాట్లాడుతూ.అన్న కళ్యాణ్ రామ్ అన్న మాటలకు మరింత బలం చేకూర్చుతు తప్పకుండా ఈ సంవత్సరం నందమూరి నామ సంవత్సరం అయ్యి తీరుతుందని చెప్పుకొచ్చాడు.
బాబాయి ‘లయన్’ సినిమతో తప్పకుండా సత్తా చాటుతాడంటూ ఎన్టీఆర్ ధీమా వ్యక్తం చేశాడు.ఇక తన ‘టెంపర్’ సినిమా గత మూడు సినిమాల నిరుత్సాహాన్ని పోగొడుతుందని అభిమానులకు హామీ ఇచ్చాడు.
మరి ఈ నందమూరి హీరోలు న్నట్లుగా ఇప్పటికే సక్సెస్ అయిన ‘పటాస్’ చిత్రంలాగే ‘టెంపర్’, ‘లయన్’ చిత్రాలు కూడా సక్సెస్ అయ్యి, 2015 సంవత్సరం నందమూరి నామ సంవత్సరం అవుతుందేమో చూడాలి.